Cristian Soto Garcia: ‘2017: Un aire fresco y nobo pa Aruba’
Cada 4 aña, pueblo di Aruba ta bay deposita nan voto pa e personanan cu nan ta desea como representante den Parlamento. E realidad di esaki ta diferente, ya cu e personanan escogi pa representa pueblo den Parlamento ta opta pa bira Minister, kibrando completamente e esencia di nos sistema di votacion. E practica aki ta duna e mal ehempel na pueblo, haciendo nan di kere cu ta pa Minister nos ta vota, cual na su turno ta trece cune weganan sushi di 'vota pa haya un fabor politico a cambio'.
Hibando combersacion cu hopi hoben adulto y personanan di edad mas halto, un di e prome cosnan cu ta resalta ta e disgusto cu tin riba e nivel di debate den nos Parlamento. Debatenan importante pa e futuro di nos Pais ta wordo remplasa pa contest di ken por susha otro mas hopi riba nivel personal. No por laga afo tampoco e mal echo di varios Minister cu ta purba hustifica nan mal maneho door di bisa cu e otro partido a haci pio algun aña atras. E manera aki di goberna Aruba no tin niun balor agrega pa nos pueblo y literalmente e ta manera un ladron cu kier hustifica su ladronicia door di bisa cu un otro a horta prome cune.
Lastimamente cu e personanan cu den pasado a purba di trece e cambionan necesario pa nos Pais, a wordo crucifica pa medionan di comunicacion comprometi na un of mas partido politico, pero mane e dicho ta bisa tardi of trempan e berdad lo alcansa e mentira.
Pa 2017 Aruba tin e oportunidad di vota pa un Parlamento cu lo traha pa caba cu corupcion gubernamental, traha pa bienestar general di e pais y pone un 'zakenkabinet', cual ta gobernantenan NO politico specialisa den nan ramo.
E progreso di un Pais ta depende di su lidernan y como hoben cu aspiracion di mira cambionan positivo pa nos Pais, mi ta kere a yega momento pa trece un cambio drastico den e arena politico di Aruba; ta momento di duna Parlamento su balor di berdad y hiba Aruba conhuntamente padilanti.
2017, e poder di kibra politica tradicional ta den bo man! #AireNoboPaAruba
Hibando combersacion cu hopi hoben adulto y personanan di edad mas halto, un di e prome cosnan cu ta resalta ta e disgusto cu tin riba e nivel di debate den nos Parlamento. Debatenan importante pa e futuro di nos Pais ta wordo remplasa pa contest di ken por susha otro mas hopi riba nivel personal. No por laga afo tampoco e mal echo di varios Minister cu ta purba hustifica nan mal maneho door di bisa cu e otro partido a haci pio algun aña atras. E manera aki di goberna Aruba no tin niun balor agrega pa nos pueblo y literalmente e ta manera un ladron cu kier hustifica su ladronicia door di bisa cu un otro a horta prome cune.
Lastimamente cu e personanan cu den pasado a purba di trece e cambionan necesario pa nos Pais, a wordo crucifica pa medionan di comunicacion comprometi na un of mas partido politico, pero mane e dicho ta bisa tardi of trempan e berdad lo alcansa e mentira.
Pa 2017 Aruba tin e oportunidad di vota pa un Parlamento cu lo traha pa caba cu corupcion gubernamental, traha pa bienestar general di e pais y pone un 'zakenkabinet', cual ta gobernantenan NO politico specialisa den nan ramo.
E progreso di un Pais ta depende di su lidernan y como hoben cu aspiracion di mira cambionan positivo pa nos Pais, mi ta kere a yega momento pa trece un cambio drastico den e arena politico di Aruba; ta momento di duna Parlamento su balor di berdad y hiba Aruba conhuntamente padilanti.
2017, e poder di kibra politica tradicional ta den bo man! #AireNoboPaAruba