Den e reunion di tratamento di presupuesto 2016 tambe a toca e tema di e virus cu tin mundo completo riba alerta. Ta asina cu den ultimo simannan y dianan e virus aki a plama manera un epidemia rond mundo y esaki merece atencion tambe na Aruba. Logicamente e desaroyo rond di esaki tin tur hende preocupa y tambe fraccion di MEP.

Durante presentacion den e prome tanda fraccion di MEP a entrega un mocion relaciona cu e virus aki. Nos ta haya importante si encaso e virus yega Aruba pa tin un plan di accion pa contra aresta e virus ZIKA. Pa e motibo aki a urgi e Minister pa tuma accion y pa e por bin informa Parlamentop riba e desaroyo preocupante di e virus aki.

Expresionnan haci den e articulo aki no necesariamente ta refleha opinion di ArenaPoliti.co