Mas o menos 2 siman pasa Minister di Salubridad sr. Schwengle a declara cu e lo no tin confiansa den laboratorionan priva na Aruba. E expresionan aki no a cai den bon tera serca esnan cu ta eherce nan trabou den mundo di laboratorio. Nos fraccion tambe a sali condena cu e minister ta expresa su mes di tal forma sin cu e por substancia loke e ta bisa.
Nos laboratorionan sin hasi distincion tin un rol importante den nos comunidad y expresionan den duda di e calidad sigur ta uno pa preocupa. Den cuadro di esaki nos fraccion a entrega un mocion pa pidi Minister Schwengle trece claridad den e asunto aki y pa por informa parlamento den 6 siman kiko lo bai hasi pa garantisa e calidad y integridad di resultadonan di laboratorionan na Aruba.

Expresionnan haci den e articulo aki no necesariamente ta refleha opinion di ArenaPoliti.co