Pero mas importante den esaki ta e papel cu e minister y e famia di Tico Croes ta hunga den esaki. Pasobra Hard Rock Cafe por bai, Hyatt por bin, pero e mesun compania cu ta meti den e escandalo cu yama South West Development a keda.

 

 

E mesun hendenan cu segun veredicto di un hues imparcial por wordo yama como corupto, ta sigi den e mesun wega. Ta djis cu awor nan no ta bai bende e tereno mas na Hard Rock cafe, sino nan lo purba bende na un Hyatt.

 

Ta CONTRA reglanan di destaho cu un proyecto cu a pasa e destaho publico, anto esun cu a gan'e ta cai afo, ta djis coi e proyecto y duna un otro! De donde viene! Bo tin di tene un destaho publico di nobo.

 

Esaki ta CONTRA reglanan di gobierno pa destaho, pasobra esun cu haya e tereno y haya e proyecto, ta e mes mester desaroye. Nunca ta asina cu gobierno ta duna e tereno y e vergunning na un compinchi, pa despues e compinchi bende e proyecto na un otro y gana miyones di florin cun'e. E tipo di aventuranan ey South West Development ta hasi su mes culpabel na dje.Y ta eseynan ta cosnan cu sr. Jan de Ruiter a yama Minister Otmar Oduber corupto pe, sin cu un dia Otmar Oduber a sali defende su mes.

 

Minister Otmar Oduber a demostra caba di ta un minister corupto y e ta persisti di hasi cosnan mucho mas stranjo cu tur locual el'a hasi caba.