Benny Nisbet (PPA): “Calidad medico na Aruba por a progresa (?) pero si e ‘patient’ no por jega na su dokter, specialista y worde trata/opera den un tempo razonabel….Tanto val!!
Cu atencion PPA a tuma nota algun dia atras di un articulo interesante scirbi pa drs. Anco Ringeling den representacion di AZV unda e accento tabata riba e ponencia si ‘cuido medico’ na Aruba a bai atras si of no. Drs Anco Ringeling a argumento pakiko AZV ta di e opinion cu ‘cuido medico’ a progresa !!
Sinembargo di parti di PPA nos kier bisa lo sigiente.
Berdad kizas desde cu Aruba a conoce AZV e specialistanan a redobla…… berdad kizas cu nos tin cierto experticio presente cu nos no tabatatin antes….pero e ‘patient’ cu ta malo y ta hasciendo su esfuerzo pa e jega na su ‘dokter’ of na e specialista y no por jega( den tempo razonabel ) …cu su razon ta keda cuestiona ta ki calidad di cuido medico Aruba tin.
Hopi patient awendia no ta logra mira nan dokter/huisarts den prome instancia pasobra nan ta worde confronta pa un asina jama dokters‘asistent’ (cu tur respet pa e persona aki) pero e deseo di e ‘patient’ pa e por mira y papia cu ‘huisarts’ mester worde respeta na tur momento y esaki mester ta regla y no e excepcion manera el a bira na cierto huisartsen aki na Aruba.
Fuera di esey nos ‘cuido medico’ por a bai dilanti pero si e ‘patient’ ta pidi pa e worde manda pa un specialista pero ta worde bisa cu no tin mester ……tuma mas ‘paracetamol’ pa algun luna pa despues di algun luna porfin e logra jega na e ‘specialista’ unda den varios caso pa mi no bisa hopi ….ta un ‘lijdensweg’ pa hanja e atencion medico di e ‘specialista’. Un patient ta jama oficina di un specialista y ta hanja un ‘afspraak’ despues di 2/3 luna pa despues cu porfin e specialista wak e……e cuminsa hana e tratonan … pa hanja un fecha di regreso despues di un otro 2/3 luna….pa ora trata di cierto operacionan cu lo mester warda algun luna ……
PPA por papia aki pasobra nos tabata e prome y kizas ‘unico’ partido politico cu a ranca na e bell aki na januari 2013….cu varios pregunta publico…….pero hopi otro tabata drumi …y awe ta dedica atencion na e necesidad aki tambe.
PPA ta larga e pregunta cu nos tin ‘calidad medico’ cu a progresa pa kada kende huzga y forma su propio opinion pero PPA kier accentua riba e tempo cu ta dura pa logra hanja
- E dokter……..y nos ta accentua …e dokter mes…no e doktersasistent….
- E periodo di ‘paracetamol’ anto hopi vez SIN a mira e dokter….
- E periodo cu e dokter ta tene ‘e patient’ prome cu dunele un ‘verwijsbrief’ pa un specialist…,mientras e patient ta keha di dolornan cu un ‘paracetamol’ no ta para…
- E periodo cu ta dura pa logra un ‘afspraak’ cu e specialista……?
- E periodo cu ta dura pa hanja un ‘segundo afspraak’ cu un specialista….?
- y mas…….
- E periodo cu ta dura pa un specialista cu ta bisa cu un patient mester worde opera pero sea ta mucho occupa of tin otro motibo pa cual e trato/operacion tin di warda pa algun luna ….??
- E periodo cu ta dura pa un ‘patient’ hanja e cooperacion pa viaha pa exterior……cuanto vez nos no ta tende di famia di un patient cu a bai exterior….cu ora den exterior nan cuminsa puntra….di ki tempo bo a sinti e dolor aki….di ki tempo bo a bai bo dokter/huisarts/specialista cuanto tempo bo ta bao tratamento …….di con ta awor numa nan a mandabo exterior ???
- Cu den e periodo/proceso aki ‘patientnan’ den vez en cuanto no ta ni wak un dokter/specialista pero si ta ricibi sea ‘paracetamol’ of hasta otro remedi ……esaki ta cuestionabel…
PPA ta di opinion cu lo mester tin un instancia cu lo mester analisa e procedura cu ‘patientnan’ constantemente mester pasa aden pa nan por jega na e tratamento cu nan tin derecho riba djele……y na e operacion localmente…,….y eventualmente cuanto e ta dura pa e patient bai exterior ?
E totalidad ey mester worde analisa y conclussionan saca pa minimalisa esaki …….anto e ora ey pone esey banda di e disponibilidad di e trato medico cual ta un derecho..
Un trato medico di calidad cu lo por a mejora !! E trato medico por a worde mejora….pero si e patient no por jega na tempo unda e mester jega …..tanto val….
Pa nos obhetivo …..tin vez e ‘patient’ den su situacion tambe ta spanta y ta tarda pa bai dokter etc…!!
PPA ta convenci cu den mundo medico di Aruba nos tin dokter/huisarts/specialist y tur otro den mundo medico cu ta hopi cualifica y dedica pero ora nos scucha comentario di hopi patient y famia…..ta e proceso pa jega na cierto dokter/huisarts, ….despues cerca di e specialista…..despues operacion……despues conclusion cu mester bai exterior y worde hiba exterior…… ta e termino/period aki completo …merece mas atencion di mundo medico incluso AZV !!
PPA ta convenci tambe cu door di pone mas atencion riba e ‘derecho di patient’ mas patient lo por hanja e curaje pa bai hasi keho di berdad….en vez di keda keto y tuma e trato/proceso cuestionabel aki.
Cu tur respet !!
Aruba, 7 di December 2015
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...