Benny Nisbet (PPA): “Bao AVP Aruba a perde oportunidad di realmente crea un instrumento economico pa duna e vision di ‘hub’ mas valor!!”
Gabinete Mike Eman(AVP) a ricibi amplio oportunidad di pueblo di Aruba esta dos periodo di gobernacion di cual seis anja a pasa kaba….. (los di 11 anja di gobernacion bao di sr. Henny Eman) y locual tin ta principalmente un ‘crisis financiero economico’ cu pueblo di Aruba lo sinti e proximo 20 anja cu lo tuma pa paga e debenan crea pa gobierno di Mike Eman (AVP).
Debe Nacional di Aruba a crece na forma jamas bisto pa un isla tamanjo di Aruba for di 2 billion florin pa 4 billion y si hinca e ‘PPP’ projectonan aden lo nos por papia di mas cu seis billion florin na debe. E pregunta cardinal aki ta keda…..:”Unda e progreso economico real a keda ? Unda diversificacion di nos economia arubano a keda ? Cuanto cupo di trabao a keda pa e pueblo arubano despues di seis anja di gobernacion di AVP ?
Awor ban analisa e vision pa algun desaroyo cu lo por duna resultado den futuro ….si bin un partido cu realmente ta iniciador di e vision aki y realmente tin un vista di locual ta tumando lugar den region.
ARUBA COMO HUB DEN CARIBE….:
Esun cu ta duda por controla e diferente programa politico cu PPA a presenta eleccion tras di eleccion…unda PPA tabata projecta y defende e vision aki. Unda den parlamento como oposicion PPA a projecta y defende e necesidad aki..mientras cu AVP e.o. tabata cuestiona e vision di PPA y purba ridiculisa esaki. Pero PPA a continua cu nos vision cu nos conviccion cu Aruba den futuro lo por hunga un rol impactante den Caribe hasta nos a jamele ‘Aruba….Hong Kong di Caribe ‘ nos tin un racha di declaracion politico unda nos ta argumenta e desaroyo di e HUB aki …mientras esaki ningun momento tabata forma parti di programa politico di AVP. Ultimo eleccionan nan a presta e vision aki di PPA y a cuminsa duna atencion na e vision aki y a ejecuta mudamento di Containerhaven for di Oranjestad pa Barcadera….! Como cu AVP mes NO tabatatin vision propio !!
MUDAMENTO DI CONTAINERHAVEN : E vision pa muda Containerhaven for Oranjestad pa barcadera lo cambia Aruba significamente….den programa di PPA pa varios eleccion. PPA/x ministro di Transporte y Comunicacion Benny Nisbet a firma cu ECT (Europe Container Terminal) pa e prome estudio por a tuma lugar tempo cu Lider di partido AVP a declara den parlamento e vision ey ta mucho grandi…..mucho placa…….jamas !!!
PPA a visualisa …..1. Construccion di un Barcadera Containerhaven. 2. Construccion di un Barcadera Free Zone, 3 ejecucion di un caminda ‘doble via’ (jama awe vierbaansweg) 4. Ejecucion di Ringweg 3 y 5 ejecucion di un Aruba World Trade Center….esaki combina cu Aeropuerto lo mester amplia su fascilidadnan pa carga tambe…!! Y cu e mudamento aki lo larga hopi espacio liber pa planificacion di desaroyo di Oranjestad y e area di haf den futuro. Analisa tur esaki y huzga ta cua partido a bini, presenta y defende e necesidad di e desaroyo aki ! PPA no tin problema pa duna AVP e credito di a ejecuta e vision di PPA pero e credito di e vision di keda di PPA anto 100 % di PPA !!
EROR DI GABINETE MIKE EMAN SIN EMBARGO !! Cu ejecucion di Panama Canal nobo esta e asina jama ‘slotnan’ desaroyo den e mundo di container lo dal un stap drastico den area di Caribe….!! Barconan di Container mucho mas grandi lo pasa door di e Panama Canal rumbo pa e hafnan di ‘East coast Mericano’. E barconan aki ta worde jama ‘post panama vessels’ y nan ta hopi mas largo, hancho y hundo. Pa locual ta trata hundo ta trata di barconan cu mester di hafnan 16 meter hundo pa nan por drenta…..si un pais su hafnan no tin e profundidad aki e pais aki lo mester worde ‘gefeed’ pa e barconan actual pero locual ta nifica cu e servicio ta mas’ caro’ pero tambe e ta nifica cu e pais aki NO ta prepara pa duna servicio na e tantisimo barco monstrouso cu ta pasa den Caribe. E haf di San Nicolas e asina jama ‘sea berths’ ta e UNICO haf di Aruba cu ta cumpli cu esaki. Awor si AVP tabatatin ‘vision’ riba e materia aki anto AVP lo mester a negocia un acuerdo completamente otro na 2010 ora cu Valero a anuncia cierre di e Refineria: 1, Un acuerdo cu parti di e haf di San Nicolas lo mester a regresa den man di pais Aruba. 2 Un acuerdo cu 2 haf mas na San Nicolas lo por a worde hasi mas hundo tambe pa por a amplia e servicio aki cu tempo ……e ora ey Aruba lo a crea un ‘instrumento’ cu lo por a bira un ‘pida oro’ pa futuro commercial di pais Aruba. Pero no gabinete Mike Eman representa pa Mike de Meza y un parlamento ‘zwak’ a sigui drumi numa y Aruba te na e momento aki a perde e oportunidad aki.
ARUBA WORLD TRADE CENTER
Awor PPA ta projecta cu Aruba mester ‘reach for the sky’ y forma un instancia esta Aruba World Trade Center pa worde construi riba parti di e tereno cu ta bin liber na Oranjestad, cual lo crea hopi cupo di trabao riba tereno commercial/economico y lo por desaroya su mes den un otro pilar economico. AVP ta keto riba e tereno aki pasobra nan sa cu aki PPA a ‘score’ atrobe cu nos vision !! Y cu tardi of trempan nan lo mester continua cu ejecucion di vision di PPA.
NO TABATATIN ‘DIVERSIFICACION’ DI NOS PRODUCTO TURISTICO….!!
Bao di AVP seis anja largo Aruba NO a ‘upgrade’ nos producto turistico y consecuentemente e servicio cu nos Aruba lo por ofrece na e bishitante. Segun programa y vision di PPA tabatatin hopi alternativa…
- Atencion pa e ‘MCI alternative’ cual ta nifica atencion mas profundo pa ‘convention tourism’..maneho di AVP./Otmar Oduber a limita esaki envez di expande esaki.
- Atencion pa hasi Aruba un ‘golfersdestination’ door di construi un Internacional golf course na San Nicolas cu tres hotel cu ta sostene esaki minimalmente…..lastima nada pero nada….!
- Atencion pa e desaroyo San Nicolas como parti di e producto turistico di Aruba doo r di crea/inverti den un ‘San Nicolas, Our Caribbean town’ cual ta parti di nos historia pero visiblemente ta worde rechasa door di gobernacion di AVP.
- Atencion pa Aruba por bira un ‘health & wellness destination’ cu tampoco a ricibi atencion visible pa e gobierno actual..
- Atencion pa Aruba como ‘shopping destination’ atencion limita……atrobe usando vision di PPA esta e ‘streettrolley’ idea di PPA pero sin un planificacion y strategia debido.
Mester conclui cu fuera di e vision di PPA cu AVP a presta (pa nos no usa otro palabra) AVP mes NO a presenta ningun pero ningun vision propio pa desaroyo economico di pais Aruba…..e grito di ‘green’ simplemente ta un grito….. su impacto economico lo mester demonstra su mes den futuro ainda .,.,?
Awor pueblo di Aruba mes ….lo mester saca su conclusion …esta cu AVP mester bai pero esnan cu lo bini lo mester tin un vision propio pa desaroyo di Aruba…unda PPA cu nos vision pa desaroyo di Aruba lo por hunga un rol impactante den futuro cercano.
PPA no a menciona un posibel apertura di nos refineria…pasobra primeramente lo mester menciona e apertura/cierre di e refineria y e acuerdo ‘pober’ pa Aruba cu a tene e refineria sera durante tres anja. Fuera cu esaki posibel apertura di e refineria ta apertura di algo cu Aruba tabatatin kaba….No ta un desaroyo nobo !! PPA lo bin bek den mas comunidad cu mas ‘vision’ authentico di partido PPA pa desaroyo economico di Aruba.
Aruba, 7 di December 2015
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...