Benny Nisbet (PPA): “AVP no a logra diversifica nos producto turistico apesar cu tin varios alternativa serio…..!! A faya seis anja largo!!
Despues di seis anja di gobernacion Mike Eman (AVP) esnan cu conoce algo di posibilidadnan turistico mester admiti cu apesar cu ministro di Turismo Otmar Oduber ta gusta gaba cu cierto cifra cu turismo arubano lo ta baiendo bon….sin cu ministro di Turismo ta referi na e expression di Caribbean Tourism Organisation(C.T.O.) cu a cualifica cu durante e prome seis luna di anja 2015 pa loke ta trata ‘cruise tourism’ Aruba tabata e destinacion den Caribe cu a bai atras mas…nan a usa e expression ‘THE GREATEST DECLINE’..
PPA kier a analisa e product/servicio cu Aruba ta duna nos bishitantenan, cual durante seis anja tampoco no a worde diversifica….nada pero nada no a bin acerca !!
Programa di PPA pa anjas ta menciona varios tereno unda lo por tin un diversificacion di nos turismo:
- Atencion pa MCI tourism esta ‘convention tourism’ cu segun varios programa di PPA Aruba cu su pueblo ta papia diferente idioma lo por projecta su mes den ‘convention tourism’ lastima durante seis anja Ministro Otmar Oduber NO a dedica atencion na e sector aki !!
- Atencion pa Health & Wellness Tourism otro sector turistico den mundo cu ta creciendo y na unda Aruba por dedica atencion y diversifica nos producto/servicio . Atrobe PPA tabata e prome y UNICO partido cu a projecta ‘health and wellness’ pa algun eleccion kaba, lamentalbemente AVP durante seis anja no a demonstra di a dedica atencion suficiente na e sector aki !!(Den un otro articulo PPA lo bai mas profundo riba e tereno aki !!)
- Atencion pa realmente hasi San Nicolas un districto unda turismo por hunga un rol imporante, PPA a projecta nos vision cu nos a jama ‘San Nicolas, Our Caribbean Town’ , AVP despues di seis anja fuera di un ‘carubbean festival’ no a dedica su mes profundamente na hasi San Nicolas atractivo pa desaroyo turistico, mural paintings, watertoren y x Nicolaas Store(Ideanan tur di PPA !) No ta suficiente ….pa duna contenido real na ‘San Nicolas, Our Caribbean Town’ !,
- Atencion pa hasi Aruba un ‘golfersdestination’…….aki construi un International Golf Course y minimal tres hotel (3,4,5 start) na San Nicolas ta un necesidad, pero AVP te na e momento aki no a logra nada nada nada…riba e tereno aki !!
- Atencion pa mercedea Aruba como un ‘shopping destination’ lamentablemente No a ricibi atencion di gabinete Mike Eman durante seis anja largo.
Conclussion: Pa loke ta trata expande e producto turistico/servicio cu Aruba ta brinda e turista …Aruba esta gabinete Mike Eman a larga SEIS anja bai perdi…….!! Esey no tin nada di hasi si un of mas anja lo no tabata positivo den ricibi mas turista….!! Atrobe PPA ta referi aki na e producto turistico di pais Aruba ……cu simpelmente SEIS anja largo NO a ricibi un atencion professional pa diversifica esaki !! Mas bien tabatatin un politica di hunga cu cifra !!!
Den mas articulo PPA lo sigui demonstra esaki claramente pa e ciudadano cu realmente ta desea un cambio y un progreso di berdad por pensa esaki debidamente !!
Aruba, 13 di December 2015
Lider Politico di PPA
BENNY NISBET, PPA !!
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...