Benny Nisbet (PPA): “Un golfcourse internacional cu 3 hotel, Uncle Louis store como restaurant di nivel y un hotel di deporte lo crea un curazon comercial/turistico na San Nicolas!!”
Analisando e informacion cu gabinete Mike Eman p/m di Ministro di Cultura Otmar Oduber ta larga publica pa locual ta trata desaroyo di San Nicolas como un ciudad di nos ‘herencia cultural’ cu supuestamente lo a dura tres anja pa hinca den otro y ta demonstra claramente cu ora AVP a bisa pueblo di San Nicolas na 2009 cu nan lo tin tur vision cla kaba y cu San Nicolas lo ta PRIORIDAD no. 1 …esaki simpelmente tabata un mentira flagrante…… PPA kier a bisa lo sigiente.
E locual ta worde presenta como e pilarnan pa nos Herencia Cultural ta e.o.:
- Projecto Watertoren (cual ta un projecto cu PPA a defende anjas largo !!)
- Projecto Nicolaas Store ( otro projecto cu PPA a presenta anjas atras tempo cu AVP simpelmente NO tabatatin atencion pa desaroyo di San Nicolas. PPA a visualisa un café parti abao y nos tin tur documento pa proba nos vision)
- Aruba Mural Projects……(Otro vision y idea di PPA anjas atras cu tambe a worde critica y hari pa AVP).
- Cu lo tin intencion di drecha caya grandi atrobe cuminsando na e parti conoci como ‘Promenade’..
- Y cu lo tin intencion di renova ‘UNCLE LOUIS STORE’ y hinca aden Departamento di Cultura y un parti destina pa un fundacion CRAFT aparentemente…!!
Esaki lo trece mas turista pa San Nicolas cu sosten di ATA y gobierno……wel wel wel !!
PPA kier pone banda di esaki e vision/opinion di PPA pa cu desaroyo di San Nicolas (los di reapertura di nos refineria !)( por worde hanja den varios documento y programa di PPA e.o. ‘Agenda for San Nicolas’.
- PPA ta kere den un vision cu nos ta jama ‘SAN NICOLAS OUR CARIBBEAN TOWN’ …pakiko ? San Nicolas ta e prome ciudad di Aruba unda mas cu 40 nacionalidad a biba junto ….y e aspecto aki ta historia di Aruba y di San Nicolas …cu mester worde usa positivamente den projecta San Nicolas.
- PPA ta kere den un desaroyo ADICIONAL basa riba construccion di un parke di Golf sosteni pa tres Hotel 3,4 & 5 star di cual un ta un Spa hotel Internacional.
- PPA ta kere den un TRIANGULAR CULTURAL cu pa nos ta ensera:
1. Un Carnival Village/Museum
2. Un San Nicolas Historical & Multicultural Museum …..(aki e accento ta riba e 40 nacionalidad y San Nicolas cu a forma e ‘caribbean town)..
3. Un San Nicolas Auditorium..
(Tur esaki lo nifica construccion di dos of tres edificio nobo na San Nicolas cu lo contribui na un San Nicolas NOBO pero na mes momento ta luci e aspectonan arubiano/Caribense !!) - PPA ta kere den un vision/maneho cual ta dedica atencion real na e musica cu a drenta Aruba via di San Nicolas manera steelband, Calypso, Soca, Carnaval p/ di un actividad Caribense p.e. den luna di oktober anualmente na San Nicolas cu ta atrae musica Caribense p/m di un actividad caribense …mercadea riba otro isla di Caribe….cu un anochi di musica Latino, un anochi di Calypso, Soca, un Anochi di reagae music den Centro di San Nicolas. Un evento cu ta tuma lugar tur anja y ta worde sosteni pa Gobierno y un par di empresa grandi di Aruba.
- Otro vision di PPA anjas largo ta pa e x edificio di nos grandinan (SABA) cu actualmente ta worde usa como un ‘scol’ pa otro scol cu ta worde drecha ta cu aki e Edificio aki mester worde re-construi den un ‘Sport Hotel’ pa evenementonan na Joe Laveist Sport Park, YMCA y nos Pool di landamento…dunando un empuhe na e deporte pero tambe na e Centro Comercial/turistico di San Nicolas.
UNCLE LOUIS STORE: MESTER BIRA UN RESTAURANT DI NIVEL CU USO DI E PLAZA PAFOR TAMBE !!
Pa locual ta trata e intencion di gab Mike Eman pa renova Uncle Louis Store y hinca aden departamento di Cultura y fundacion CRAFT, PPA kier a bisa lo sigiente.
‘L Histoire se repete ….!! Historia lo ripiti su mes !! Tempo cu gobierno di AVP a cumpra Uncle Louis Store y a ubica Departamento di Douane den e edificio aki PPA a splica cu esaki ta un eror hopi grandi y cu esaki lo ta un estorbo pa desaroyo ‘real’ commercial di San Nicolas. !! PPA a worde hari pero tempo a demonstra cu esaki a strobe desaroyo di San Nicolas y no tin nada di haber cu e aperture/clausura di e refineria si of no. E tempo ey San Nicolas tabata tin e Restaurant di un nivel halto esta Promenade Restaurant. PPA a bisa gobierno di AVP …..stimula desaroyo di un otro restaurant di clase na e sitio di Uncle Louis Store….y eventualmente tambe un restaurant di clase na e otro banda di caminda…..esaki lo crea un curazon culinario den centro di San Nicolas…..NO un edificio destina pa douane cu tur respet pa e instancia aki !! Presencia di un curazon ‘culinario’ lo crea desaroyo destina pa turismo den e parti di Promenade…pero lamentablemente gobierno Eman no kier a scucha y cu tempo San Nicolas a perde nos restaurant di Promenade. Awor atrobe nos tin un restaurant cu ta di un nivel halto …..mester permiti desaroyo di un otro restaurant na Uncle Louis Store cu permiso pa usa pafor e ‘plaza’ tambe. Pesey e ta di lamenta cu keto bai e pakete di incentivonan pa desaroyo di San Nicolas priminti prome y durante eleccion ainda dos ainda despues no a bira ley !!
PPA ta kere p.e. cu nos Bibliotheca na San Nicolas lo por worde muda pa e ‘ex Clinica’ …unda den concepto di PPA e Bibliotheca lo por briya mucho mas contal a solucciona cierto problema cu tabatatin aki ….y eventualmente si tin espacio departamento di Cultura lo por tuma un parti di e edificio aki esta e ‘x Clinica’ y for di aki departamento di Cultura lo por juda guia y desaroya e desaroyo Cultural di San Nicolas. No mester exclui cu aki tambe un museum lo por worde ubica.
Naturalmente tur esaki den cuadra di e desaroyo di un International Golfcourse sosteni cu tres hotel di 3,4,5 star na Grapefield/Colony segun ‘Agenda pa desaroyo di San Nicolas’ di PPA.
Kada kende lo por huzga e dos diferente vision banda di otro….cual lo tin mas impacto social economico cultural y cual lo crea mucho mas trabao y movicion economico pa San Nicolas.
Aruba, 5 di December 2015 Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...