Banda di elogio y mas elogio 

Minister Otmar Oduber a keda cu un sentimento mixto despues cu e prome ronde di pregunta durante tratamento di presupuesto 2016 a termina den Parlamento. Tur 7 parlamentario di partido MEP a hiba palabra y unico cu por a scucha for di nan boca den direccion di Minister Oduber pa loke ta su maneho tabata elogio y mas elogio.
Nan a mustra practicamente un sosten total pa su maneho y no a haci ni un solo pregunta riba maneho den direccion di Minister Otmar Oduber. Naturalmente e manatario a keda contento di por a mira e sosten di oposicion pa e trabounan cu el a bin ta haciendo durante 6 aña, pero na mes momento el a mira con for di e fraccion geel tabata bin cu diferente muchachada, a papia riba bullying lubidando cu nan mes den Parlamento ta haciendo esaki.
Mirando e desaroyo di e reunion y e falta di seriedad di miembronan di fraccion di MEP no por bisa nda otro cu ningun di e 7 parlamentarionan a mustra e seriedad debido pa nan trabou, bayendo bou nivel y definitivamente ta comproba cu  MEP ta mal ehempel pa pueblo.
Minister Oduber ta gradici e sosten pa su maneho, pero ta pidi pa durante e di dos ronde por tin mayor seriedad, respet y pa por bin cu preguntanan al caso, lagando e muchachadanan un banda.

Expresionnan haci den e articulo aki no necesariamente ta refleha opinion di ArenaPoliti.co