Ningun caminda gobierno ta paga nan debe, ta pidi "kwijtschelding" so! 

ORANJESTAD - Gobierno di Mike Eman un biaha mas a bin Parlamento pasobra e no kier paga su debe y ta pidi pa libra nan di paga, ta pidi kwijtschelding. Cualquier cuidadano ora bo debe banco, bo mester paga. 

Solamente e famia di Mike Eman cu fam EMAN tin e privilegio di keda sin paga. Nan a presta miyones di e banco Interbank y despues a gewoon keda sin paga. Nan no ta no worry cu nan a manda Interbank failliet asina!
Nan a negocia un "kwijtschelding" y nunca mas a paga nan debe. 

Mike Eman a drenta gobierno y ela sigi cu e mal ehempel ey. Pa colmo ela topa cu otro mescos cune, Mike de Mesa, cu a fix un "kwijtschelding" di boet di belasting. 

Nan a sigi hasi mesun cos den gobierno ora nan a dicidi cu nan no ta paga APFA 700 miyon cu gobierno debe APFA. Nan a bin Parlamento pa regla un "kwijtschelding" pa nan mes. Despues nan a hasi mescos cu SVB ora nan no kier a paga un debe cu gobierno tin di 61 miyon florin na SVB y a bolbe bon busca un "kwijtschelding" fin di anja pasa. Y nan no ta perde pa gana, y a bolbe bin Parlamento siman pasa pa otro kwijtschelding. 

"Nos kier mira e fondonan di SVB wordo fortifica, pero e gobierno aki no ta interesa mes den esey. Pasobra si realmente nan tabata interesa, nan lo a paga e sumanan ey den e fondonan y busca un "kwijtschelding". Bo ta mira cu nan no ta interesa den e fondo, nan ta djis interesa den triki pasobra e "kwijtschelding" ta laga mustra cu e debe di gobierno a baha y pa asina complase cu CFT.  Pesey nos a vota contra e ley aki, pasobra e

Ley aki pa "kwijtschelding" di e debe di SVB ta hasi e fondo di SVB mas swak. 

Expresionnan haci den e articulo aki no necesariamente ta refleha opinion di ArenaPoliti.co