Manera a bira un tradicion, parlamentarionan di MEP den luna di december ta hopi ocupa cu trabounan pa comunidad. Siman pasa nan a alegra e Pasco pa nos grandinan cu ta biba na Stichting Thuiszorg Yaburibari, caminda tin 34 persona ta biba, y 3 cu ta bin pasa dia.
Parlamentarionan di MEP, bou guia di lider di MEP Evelyn Wever-Croes a trese kerstboom y algun decoracion, mas algo di smaak pa nos grandinan.
Pa casualidad un agrupacion di Women's Club tabata presente pa toca y canta pa nos grandinan, y hunto el'a bira un mainta involidable.
"Tur anja nos ta purba duna bek na comunidad mas tanto cu nos por, y nos kier a alegra Pasco pa nos grandinan y gradisi esnan cu ta traha cu nos grandinan pa e gran labor cu nan ta hasi. Nos ta gradisi directiva di STA pa permiti nos hasi e gesto aki", Evelyn Wever-Croes a laga sa.
Por a nota un creatividad grandi serca e politiconan di MEP, y un alegria grandi riba e cara di nos grandinan. Esnan presenta pa MEP tabata Xiomara Ruiz-Maduro, Chris Romero, Ady Thijsen, Guillfred Besaril, Dangui Oduber, Glenbert Croes y Evelyn Wever-Croes. Un palabra di elogio pa e parlamentarionan di MEP.

Expresionnan haci den e articulo aki no necesariamente ta refleha opinion di ArenaPoliti.co