Aparentemente  a termino largo un Upgrader ta crea menos cupo di trabao …?? 

E impacto economico mas grandi  cu ejecucion di e projecto “Transformation  di nos refineria  pa un Upgrader’ ta locual ta conduci cu gobierno  sosteni pa parlamento ta desea di ejecuta e locual ta worde jama e re-apertura  pero en realidad ta significa e apertura di un Upgrader.

E pregunta real ta:  Kiko ta e impacto economico esta e benificionan cu e  apertura di un Upgrader ta trece cunele.

Gobierno ta bisa ………:  Huur,  winstbelasting y importante ta e cantidad di cupo di trabao a termino largo…?

FASE DI TRANSFORMACION !!(Prome DOS anja !)

Awor  mester tene cuenta cu DOS  fase……esta e  fase esta e prome dos anja cu ta worde usa pa ‘transforma’  e fascilidad den un Upgrader. Aki ta worde bisa cu nan lo tin mester di entre 1500 pa 2500 trahador pa esaki.  E parti aki ta sona positivo ….pero  PPA  ta puntra  con lo  garantisa cu aki lo usa 80 % di  hende local y solamente 20 % di exterior ?

Di locual e  ‘team di PPA’ por a lesa esaki por ta berdad pasobra pa construi  un upgrader ‘from scratch’ ta worde evalua di ta entre 6000 pa 7000 trahador den  e ‘piek’ di un projecto cu ta dura entre 4 pa 5 anja.

Pa transforma un fascilidad  cu a funciona como un refineria pa un Upgrader  por worde calcula necesidad di  entre  1500 pa 3000 trahador.

FASE A TERMINO LARGO …?

Pero aparentemente  e cuponan di trabao a termino largo si ta worde cuestiona.

PPA kier cita lo sigiente for di un articulo publica den ALBERTA OIL :

‘Challenging economies mean income taxes may not be substantial and surprisingly, an upgrader provides FEWER LONG TERM JOBS than an in situ (conventional project) of comparable size. “

In short, the conventional wisdom that Upgraders mean MORE jobs and benefits to the economy needs to be challenged.”.

Anotation di PPA:

Esaki por nifica cu durante e periodo di ‘transformacion’ di e refineria pa un UPGRADER  Aruba lo conoce un ‘piek’   di  hopi trabao(entre 1500 pa 3000) durante e prome DOS anja !!

Despues di e periodo aki cu e UPGRADER lo bai funciona como tal aparentemente E  no ta genera e cantidad di trabao cu p.e. un refineria ta genera.(aparentemente entre 400 directo y 800 indirecto).

PPA kier puntra publicamente pa gobierno entrega na parlamento e documentacion a base di cual gobierno  a jega na e conclusion cu e UPGRADER lo funciona cu e mes cantidad di trahador cu e refineria tabata funciona anterior di su seramento cual ta un 650 cupo di trabao directo  y un 2000 indirecto ?


E articulo  ta termina bisando:  ‘The conventional wisdom on upgraders needs to be challenged’. PPA ta spera cu nos contribution ta ‘food for thought’ pa tanto gobierno como parlamento di Aruba.

Aruba, 3 di juli 2016                                                      Lider Politico di PPA

                                                                                         BENNY NISBET

Expresionnan haci den e articulo aki no necesariamente ta refleha opinion di ArenaPoliti.co