"Ora nos papia di energia renovabel, MEP ta gaba e mulinanan na San Nicolas y critica esun serca di nan cas. Ora nos splica dicon y cuanto AVP a inverti den salba e pensioen di mas cu 20 mil pensionado, MEP ta critica cu ta gastamento di placa. Ora AVP papia di con nos a trece hende hunto den Dialogo Social, pa soluciona problemanan cu nos pais tabata tin, MEP ta critica cu gremionan a wordo cumpra. Ora CAFT bisa cu finansa di Aruba ta riba bon caminda hasta sin re-apertura di e refineria, MEP ta bisa cu Hulanda ta mucho suave cu Aruba. Ora nos di AVP papia di un miho futuro cu mas igualdad y mas oportunidad pa hoben y adulto, pa homber y muhe, MEP kier hiba Aruba bek na e temponan scur di gobernacion di MEP cu pueblo kier lubida pa semper. Anto esaki ta ora nan tin algo di bisa cu tin un tiki contenido. Generalmente bo por lesa e nivel y intencion maligno di MEP den loke nan scirbi y den e meta di nan critica. Asina Rene Herde' a bisa referiendo na e nivel abou y articulonan sin contenido, sin meta constructivo y yena cu palabranan pa insulta y susha nomber di hende. Aparentemente MEP no a realisa cu majoria grandi di pueblo no ta aprecia e politica ey mas. Nan kier sa kico a sosode y kico bo ta bay haci pa nan y nos pais. Den esey MEP simplemente no tin nada pa bisa. E shete aña cu a pasa a demostra esey bez tras bez!

Expresionnan haci den e articulo aki no necesariamente ta refleha opinion di ArenaPoliti.co