Parlamentario Glenbert Croes (MEP): 8 aña AVP no a haci nada pa soluciona e problema di dump, awor kier gaña pueblo net prome cu eleccion
Nos confiansa ta den Serlimar mes pa trece solucion pa e dump
Parlamenatario di Fraccion di MEP, sr Glenbert Croes den conferencia di prensa di diaranzon ultimo a duna di conoce cu MEP no tin confiansa den Gobierno pa trece un solucion pa cu e situacion alarmante di dump. Sr Croes ta expresa su confiansa den Serlimar pa trece un solucion pa dump bou di guianan necesario.
Nos a ricibi informacion cu Gobierno lo ta trahando comisionnan pa studia e solucion pa e problema di e dump na Parkietenbos. Pero nos di MEP kier expresa categoricamente cu nos no tin confiansa den Gabinete Mike Eman 2 cu awor den porta di eleccion kier gaña busca solucion simplemente pa stunt politico.
8 aña AVP no a haci nada pa soluciona e problema di dump, y awor Gabinete Mike Eman 2 kier tira santo den wowo di pueblo gaña traha comicion como sifuera cu awo si lo logra un solucion. Esaki ta meramente zet politico pa haci promocion cu ne.
Di parti di Partido MEP nos kier expresa cu nos confiansa ta den Serlimar mes pa nan trece un solucion pa dump bao di siguiente “guidelines”:
- Solucion pa dump na parkietenbos y su costo no por trece cu ne mas medida contra nos pueblo, pasobra nos pueblo no ta wanta mas castigo di tur e medidanan cu ya Gabinete Mike Eman a bin cu ne.
- E solucion pa dump na parkietenbos mester garantisa e futuro existencia di Serlimar como nos compania nacional di servicio y limpiesa.
- E solucion mester duna tur e trahadornan di serlimar: garantia di trabao, garantia di salario y garantia di pensioen.
MEP no tin confiansa den Gobierno di AVP, MEP no tin confiansa den AVP, pasobra despues cu 8 aña cu Gobierno a sinta man crusá sin haci nada pa soluciona e problema, awor 8 luna prome cu eleccion kier gaña traha comison pa gaña bisa cu bo ta buscando solucion? Esaki ta condenable y inaceptable”, Sr Glenbert Croes ta conclui.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...