Gabinete ME II: Standard & Poors ta mantene rating di Aruba
ORANJESTAD- Agencia di evaluacion Standard & Poors ta mantene rating di Aruba di BBB+/A-2. E ratingnan ta un refleho di lazonan fuerte institucional cu Hulanda, un economia prospero compara cu paisnan den region y e exito di reformanan fiscal. E outlook stabil ta reafirma S&P su expectativanan di continuidad den maneho economico despues di eleccion e aña aki.
E agencia internacional ta reafirma ratingnan di credito a termino largo y cortico. E 'outlook' stabil no ta solamente un refleho di e espectativanan di continuidad despues di eleccion, pero ta inclui tambe consolidacion fiscal andando cu ta stabilisa e carga di debe gubernamental cu ta sostene likides externo.
S&P ta indica cu gobierno a haci progreso considerabel den reduci su deficit fiscal den e ultimo añanan. Reformanan fiscal cu gobierno a haci den e sistema di pensioen y AZV a yuda den e reduccion aki.
Expresionnan haci den e articulo aki no necesariamente ta refleha opinion di ArenaPoliti.co