Diamars otro siman lo tin apertura di aña nobo parlamentario. E dia aki lo bo weita un show di fariseo, traicion y oportunismo pasobra ora cu cuidadano Prome minister expresa e palabranan aki e mira su mes den spiel pasobra loke e gobierno y fraccion di AVP a hasi ta hinca nos pueblo den debe y pobresa . Fraccion di AVP a contribui na hinca Aruba den era di traicion y pobresa door di traiciona y engaña e pueblo biniendo cu e ley di CAFT cu lo ta e cuchiu cu lo bai corta tur famia di Aruba.

Awor cu ley CAFT a pasa gobierno mester bai corta cu 270 miyon florin di pueblo! Ta di lamenta cu gremionan cu a fiesta cu AVP no ta sinti e dolor di un pueblo cu ta wordo castiga cu medida. Pesei den nos buki tur esnan cu a manifesta dia 27 augustus 2015 ta heroenan di nos nacion!

Ami tin sentimento mixto cu e aña parlamentario nobo pasobra lo bai castiga pueblo! Pasobra loke ta bai bin ta hopi mas duro loke ta pasando awor. Ta dificil pa nos pretende cu tur cos ta normal siendo cu a entrega autoridad di nos pais y bai di acuerdo pa pueblo bira victima di mal maneho di Gabinete Eman. Nos ta comprometi pa proteha pueblo di loke ta bai bin!

Expresionnan haci den e articulo aki no necesariamente ta refleha opinion di ArenaPoliti.co