Arubahuis: Gobernador a bishita Gabinete di Aruba
Den Haag – Gobernador di Aruba S.E. Fredis Refunjol a haci awe diahuebs 24 di september un bishita oficial na Gabinete di Aruba. Gobernador Refunjol a keda ricibi pa Minister Plenipotenciario Alfonso Boekhoudt, director di ATA Europa Tirso Tromp e personal di Gabinete di Minister Plenipotenciario y di ATA Europa. Gobernador di Aruba a wordo acompaña pa director di Gabinete di Gobernador sr. Rajen Budhu Lall y adjudante di Gobernador Reinier van der Zande.
Gobernador di Aruba ta na Hulanda pa un bishita di trabao. Sr. Refunjol ta presente na e clausura di e celebracion di 200 aña di Reino Hulandes na Amsterdam den presencia di Rey Willem Alexander, Reina Maxima y Prinses Beatrix. E celebracion di 200 aña di Reino Hulandes cu a dura dos aña ta worde cera diasabra benidero cu un encuentro den Koninklijk Theater Carré y un anochi artistico na Amstel.
Expresionnan haci den e articulo aki no necesariamente ta refleha opinion di ArenaPoliti.co