Durante e rueda semanal di prensa di Partido Democracia Real, Andin Bikker contesta un pregunta di prensa relaciona cu e desaroyonan cu tin pa apertura back di nos refineria.
Bikker a splica cu prome tabata tin un MOU, cu awor a cambia pa un “hersen agreement” pero Parlamento no tin un bista riba esey, y Bikker ta kere cu e lo bin dilanti den tratamento di presupuesto. Parlamento no tin un bista riba kico ta wordo delinea den esaki. El a splica si cu  mester diez mil florin di “eigen vermogen” pa lanta un compania riba balans y  cu nos gobierno cu a hinca nos den tanto debe, e no ta kere cu no tin sikiera un diez mil florin.
Segun e parlamentario si e propiedadnan di Valero ta wordo redestina y duna back na Aruba tin hopi real estate pa redestina como eigen vermogen pa e compania aki, y e no ta kere cu pa nos pais bolbe haya e terenonan di Valero por bin mucho problema.
PDR ta puntra su mes kico ta bay ta e acuerdo entre gobierno y Valero, pasobra claro cu Valero no ta bay duna back e propiedadnan si e no ta haya un exoneracion, pasobra nan tin un obligacion tog pa “clean up” e subsuelo te na un cierto grado, y esaki a wordo valora no na un par miyon sino mas cu un biyon dollar y den esaki mester wak kico ta e palabracionnan cu gobierno y Valero tin.
En todo caso Andin Bikker no ta kere cu por tin obstaculonan huridico pa por haci e reapertura di e refineria.
Riba e negociacionnan cu e compania CITCO ta ta den corant e ta wak cu ta bayendo bon, pero e no sa ki influencia por tin den e desaroyonan aki cu e persona cu el a menciona ta deteni na Texas. Bikker a bisa cu e ta spera ta no tin ningun manera gobierno ta bisa mirando cu PDR ta boga pa reapertura di e refineria sin ningun mancha door di casonan hudicial.  PDR kier pa reactiva e parti di nos economia cu a bay perdi y cu ta costa nos pais entre 12% pa 15% nos producto nacional DGP, y e ta spera cu nos por yega eynan sin mayor problema.

Expresionnan haci den e articulo aki no necesariamente ta refleha opinion di ArenaPoliti.co