Ultimo tempo e maneho pa cu otorgamento di tereno ta uno hopi cuestionabel y ta hole na fabornan cu mester wordo paga pasobra AVP a drenta gobierno. No solamente ta otorgando tereno na personahenan manera Rincon pero tambe ta faborece ministernan y parlamentarionan den Gabinete Eman cu tereno pa loco.

Nos a vocifera cu e actonan aki ta ilegal, inmoral y inhusto debi cu cuidadanonan si tin cu cana un procedura y warda hopi aña largo pa un pida tereno mientras esnan den Gabinete Eman ta fix nan mes den 1 dia cu tereno.

Netamente pa esaki nos fraccion a bolbe manda un recordatorio pa un reunion publico pa trata e topico aki cu urgencia pasobra pueblo mester haya sa pakiko tin trato preferencial pa mandatarionan mientras pueblo mes tin cu cana caminda di cruz. 

Expresionnan haci den e articulo aki no necesariamente ta refleha opinion di ArenaPoliti.co