Parlamentarionan di MEP durante e 'reces' di Parlamento ta reuniendo cu varios instituto importante den nos pais. Especialmente pa orienta nan mes pa tratamento di presupuesto 2015 cu mester yega Parlamento comienso di otro anja. 

E siman aki a reuni cu e project manager di e proyecto di waf na Barcadera, sr. Balentin hunto cu director di APA sr. Figaroa y demas miembronan di e staf. Parlamentarionan a reuni cu e equipo encarga cu e proyecto y despues por a mira e avansenan den e proyecto.

Parlamentarionan a hasi basta pregunta y a expresa nan preocupacionnan, especialmente pa e waf, cu ta patrimonio nacional,‎ keda den man di pueblo. Parlamentarionan Evelyn Wever-Croes, Xiomara Ruiz-Maduro, Glenbert Croes, Chris Romero y Guillfred Besaril a asisti na e reunionnan aki y lo suministra mas informacion den e tempo nos dilanti. E iniciativa di e parlamentarionan di MEP sigur a cai den bon tera serca directiva di APA y serca empleadonan. 

Expresionnan haci den e articulo aki no necesariamente ta refleha opinion di ArenaPoliti.co