Evelyn Wever-Croes (MEP): Segun minister Dowers no tin crisis di criminalidad, tur cos ta OK
ORANJESTAD – Parlamento a yama minister Dowers den Parlamento diaranson ultimo. E minister a bin Parlamento cu varios director di departamentonan. Parlamentarionan a hasi hopi pregunta, y e minister a tuma dos ora pa contesta. E conclusion despues di henter un dia di reunion ta cu nos no tin un problema di crisis. Cu cos ta OK.
E minister a tira culpa riba hopi otro minister. Segun minister Dowers, e no tin culpa di inseguridad. Ta minister Sievinger tin culpa pasobra nos fronteranan ta free for all. Ta minister Otmar Oduber tin culpa pasobra e ta trese turistanan cu ta causa problema. Ta minister Bermudez tin culpa pasobra e no ta duna Dowers e placa cu e mester. Ta famianan tin culpa, pasobra nan no ta cria nan yiunan bon. Tabata obvio cu mientras minister Dowers tabata purba core di su responsabilidad, criminalnan ta sigi fiesta. Di un banda e tin rason si, pasobra e gran culpable ta Mike Eman pa via di su falta di liderasgo ta laga cosnan Sali for di man asina.
HELICOPTER
Ultimo dianan hopi hende ta comenta cu si e radarnan y helicopter cu ex-minister Rudy Croes a pone tabata funciona, awe e situacion no ta asina. E helicopter tabata tin un rol preventivo hopi importante. El a elimina e factornan critico cu tabata combati criminalidad y awe henter pueblo ta sufri.
Minister Dowers a declara den Parlamento cu Aruba no tin helicopter mas pasobra e mester a "bezuinig"! Kiermeen, minister president por gasta miyones pa biaha mundo rond den su 'green' fluff, pero minister Dowers mester a baha gasto, y en bes di baha gasto riba otro cos, el’a baha gasto riba e helicopter. Mientras tanto nan no a bin cu nada na su lugar y nos pais ta insigur, y hasta nos mester presta helicopter di Curacao
MINISTER DOWERS A FAYA
Minister Dowers a faya, el a faya door di ignora critica y conseho di otronan, el a faya di resolve e escases di polis cu nos tin, el a faya di conbense su gobierno cu un plan y pa pone mas fondonan disponibel pe. Un falta di liderazgo, boluntad y capacidad. Cu esaki minister Dowers a crea e ambiente ideal pa criminalnan take over den nos pais. Tin solucionnan riba mesa, pero Gobierno no kier hasi caso di nan.
NOS KIER NOS SEGURIDAD BEK
Pesey nos ta bisa awor mas cu nunca. Nos kier nos seguridad bek.
- Pone warda nos costa bek y duna nan autoridad pa actua cu man firme pa tene nos costanan bou control
- Pone e radarnan bek pa detecta boto chikito y asina stop importacion illegal di arma, droga y hende
- Pone e helicopter bek cu tin un efecto preventivo, y por sigi atracadornan mesora
- Pone e visibility teams bek, pa hasi nos areanan turistico mas sigur.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...