Noticia confirma for di Hulanda ta indica cu lider di fraccion di AVP sr Baba Herde a haya un scual for di varios miembro di parlamento hulandes. Baba Herde a core hisa su salario den 6 minuut den Parlamento y mesora a bula bai Hulanda pa pasa vakantie cu su famia, mientras cu na Aruba tin debate fuerte riba e futuro financiero di nos pais. Durante di su vacacion, el'a dicidi di bai parlamento hulandes pa wak si e miembronan di parlamento kier reuni cun'e, sinembargo ela haya un decepcion grandi na momento cu e parlamentarionan no kier tende nada di esnan cu a insulta nan na Aruba. 

 

E hulandesnan no ta lubida con Baba Herde y Mike Eman a insulta nan na forma masha sushi mes. Nan no ta pordona Baba Herde di a ataca y lastra Gobernador. Y nan a bisa Baba Herde esey. Esnan cu Baba a papia cune a bisa Baba den su cara cu nan no tin confiansa den Mike Eman mas.

 

Contrario na e experiencia amargo di Baba Herde, lider di MEP Evelyn Wever-Croes si a haya un simpatia grandi na Hulanda. Evelyn no solamente a reuni cu varios miembro di Parlamento, sino tambe cu secretario general van Zwol y minister Plasterk. Tur a ripiti e necesidad pa Aruba pone orden den e desorden financiero, y tur a aprecia e papel importante cu MEP ta hungando den restablese e relacion entre Hulanda y Aruba. MEP ta demostrando liderasgo cu su accionnan y esey ta algo cu a cai den masha bon tera mes na Hulanda. Leadership is ACTION, leadership is not POSITION. Liderasgo no ta e posicion, sino ta ACCION.