Analisando periodo parlamentario 2013 pa 2017 cu ta den sera PPA ta conclui cu nos grupo di ciudadano nos grandinan cu pa PPA ta ensera 55 anja bai ariba no tabatatin atencion di gobierno y di parlamento di Aruba.

SITIO NOS GRANDINAN NA SAN NICOLAS !!

Hopi no conoce e historia di e projecto aki cu ta basa riba ‘the right to privacy of the elderly’. Den nomber di fraccion di PPA mi a presenta un mocion den parlamento na 2004 cu tabata ensera pa para renovacion di un skol atrobe como sitio pa nos grandinan na San Nicolas y crea un projecto nobo basa riba e ‘right of the elderly’ pa privacidad. E mocion aki a worde aproba pa parlamento di Aruba unanimamente cu a pone cu gobierno di MEP mester a para nan proceso di renova un scol patras di Peking Restaurant na San Nicolas y cuminsa cu un estudio nobo pa un Cas moderno pa nos grandinan basa riba e derecho di privacidad di nos grandinan. 

E studio aki a keda cla e mesun anja pero a tuma varios anja prome cu gobernacion di MEP a pone fondo disponibel pa construccion di e sitio aki. E unico partido cu tabata recorda gobierno for di oposicion pa esaki e tempo ey tabata partido PPA. Pesey PPA ta considera cu nos tin un contribuiccion grandi pa a logra un Cas pa nos grandinan moderno na San Nicolas.

UNDA E OTRO CAS PA NOS GRANDINAN A KEDA ?

Na 2005 fraccion di PPA a presenta otro mocion den parlamento pa gobierno construi un Cas pa Anciano den districto di Noord y den districto di Sta Cruz basa riba e principio di ‘e derecho di privacidad’ di nos grandinan. E mocion aki tambe a keda accepta Unanimamente !! Pero lastimamente NI gobierno di AVP NI fraccionan representa den parlamento entre 2009 pa 2017 NO a dedica atencion na ejecucion di e mocion UNANIMAMENTE accepta den parlamento. Y esaki mientras cu ta un hecho conoci cu Aruba tin un ‘vergrijzingsproces’ cu lo mester tene hopi cuenta cunele.

GRANDINAN MURIENDO NAN SO NA CAS…!!

Nos por a tene di varios caso den curso di anja unda grandinan biba nan so ….a worde hanja morto y varios vez despues di algun dia cu e persona a fayece. PPA ta lamenta e desaroyo aki pasobra e ta nifica cu como sociedad nos ta fayando un caminda seriamente. Si No tin suficiente cas pa anciano….lo mester tin suficiente fundacion cu ta ofrece servicio pa atende cu nos grandinan y bishitanan diariamente y juda cu cierto necesidadnan. PPA no ta duda cu e fundacionan cu ta ofrece e servicio aki ta hasi un bon trabao !! Sin embargo tur cos ta indica cu tin bastante di nos grandi cu ta cay pafor di e systema/boto social …cu poco poco tin menos famia (como cu nan ta fayece of ta biba den exterior !) y aki tin trabao pa hasi. Nos grandinan tambe mester di representacion den parlamento un representacion digno pa tene cuenta cu nan necesidad y ta aki ta unda PPA ta di opinion cu nos lo por hunga un rol importante den esaki unda claramente partido AVP, MEP y Dem Real a faya durante e periodo cu a pasa.

NOS GRANDINAN PA E PROXIMO NIVEL …..X BUSHIRI SITIO DI VACACION PA NOS GRANDINAN!!

PPA ta di opinion cu e cuido di nos grandinan lo mester worde hiba pa e Proximo Nivel !! Esaki ta ensera cu fuera di tin un pensioen pa nos grandinan(inicia pa PPA!) y tin algun cas pa anciano den cual esun na San Nicolas(PPA) algun mas di SABA y algun priva PPA ta di opinion cu:

1. Mester ejecuta e mocion di PPA pa construi un cas pa nos grandinan den districto di Noord y uno den districto di Sta Cruz !!
2. PPA ta e UNICO partido cu ta boga pa parti di e x Bushiri hotel worde destina como ‘sitio di vacacion pa nos grandinan’ . Un fundacion lo por keda encarga pa regla vacacion annual di nos grandinan na e sitio aki cu lo worde subsidia pa gobierno y sector priva. Nos grandinan NO por sigui worde hinca den un cas di anciano unda nan ta keda anjas sin realmente sali for di dje …pa algun dia…!! Esaki cu proposicion di PPA lo cambia y e ciudadano grandi lo por pasa un par di dia di vacacion den un hotel (x Bushiri) banda di lama anualmente ….saboriando bida….hizando calidad di bida di nos grandinan.

AOV NO A WORDE AUMENTA CU F. 248,---! 

Awo cu tin eleccion nos por a tende e lider di MEP cu ta representa den parlamento splica cu gobierno a duna nos grandinan un aumento pa ‘indexering’ di f. 25,-- mientras nos grandinan tin derecho di ricibi f. 248,--! PPA su pregunta ta ….Unda parlamento a keda durante tur e anjanan cu gobierno NO tabata duna nos grandinan nan aumento mereci ?? Unda e gritonan real a keda anja den anja afor ??? Ta pasobra tin eleccion ta splica esaki ?? Di con pueblo/nos grandinan No a tende esaki den curso di anja ??

PPA ta lucha contra pobresa na Aruba y nos lucha pa TUR cu ta depende riba ‘indexering’ pa por mantene nan forza di compra ta continua. Cu presencia di PPA den parlamento ….grandinan pero esnan den un situacion marginal lo tin un representacion digno atrobe !!

PPA tin varios idea mas pa mejora calidad di bida di nos grandinan y lo presenta esaki den mas articulo den e simannan nos dilanti.

Presencia di PPA den parlamento lo contribui na un bida di calidad pa nos grandinan nan tambe tin derecho di worde hiba ….pa e Proximo Nivel !!


Aruba, 19 di juli 2017
Lider Politico di PPA
Benny Nisbet

Expresionnan haci den e articulo aki no necesariamente ta refleha opinion di ArenaPoliti.co