Kar-Lie Ng (PPA): ‘PPA ta invita tur ciudadano patriotico di curazon pa pasa firma e lista di e combinacion ‘PPA/UPP’ na oficina di Censo!’
Diabierna, di 4 di augustus 2017 tabata un fecha historico pa nos pais Aruba, dentro di nos democracia hoben, ora cu partidonan politico a bai entrega nan lista na ‘Electorale Raad’ pa asina cumpli cu e prome deber como organisacion politico pa por participa na e eleccion di dia 22 di September 2017.Diabierna, di 4 di augustus 2017 tabata un fecha historico pa nos pais Aruba, dentro di nos democracia hoben, ora cu partidonan politico a bai entrega nan lista na ‘Electorale Raad’ pa asina cumpli cu e prome deber como organisacion politico pa por participa na e eleccion di dia 22 di September 2017.
Pa mi tabata un honor y placer di por a asisti na e evento aki den mi recien calidad como Lider di partido PPA, occupando posicion number DOS riba e lista combina di PPA/UPP. Un pabien na TUR organisacion politico cu a cumpli cu esaki y exito durante e eleccion venidero.
Di mi parti mi intencion ta pa core un campanja fuerte y responsabel. Como organisacion politico PPA y sigur nos combinacion esta ‘PPA/UPP’ tin tur intencion pa jega na mas hopi ciudadano posibel, sea personalmente, sea pa medio di medionan di comunicacion y medionan social pa asina duna nos mensahe … Kiko ta nos prioridad ?? Con nos lo kier logranan ??
Algun informacion di mi persona ta:
Mi nomber completo ta sra. Ng, Kar-Lie Marielourde A., mihor conoci como Kar-Lie. Prome mi a participa activamente den politica mi tabata parti di bestuur di Parlamento Hubenil (2003-2004). Mi a jega di participa den politica caba riba Lista di PPA y riba Lista di Democracia Real. Durante ambos periodo mi a sinja masha hopi mes. Ultimo anja mi tin hopi contacto cu x Lider di PPA sr. Benny Nisbet y nos a papia profundamente riba e topico di politica y e problematica cu pais Aruba ta confronta. Mi tin un HBO opleiding riba tereno di Finanzas y Economia (Bedrijfseconomie) y mi ta sigiendo un estudio riba nivel di Masters den Internationaal Belastingrecht. Tambe por agrega, cu mi persona ta forma parti di staf di Departamento di Aduana. Mi ta descendiente di parti di mi tata di famia Ng, conoci pa algun generacion na San Nicolas (Abuelo, sr. Fook Ng q.e.p.d. y abuela sra. Imelda “Memechi” Young q.e.p.d., mientras di parti di mi mama mi ta descendiente di famia Angela, mi abuelo ta sr. Francisco “Chico” Angela q.e.p.d. cu tabata biba banda di Stadion y masagista bon conoci y mi abuela sra. Marina Morel q.e.p.d.
Despues cu sr. Benny Nisbet, x Lider di PPA a sorprendemi cu e peticion pa como un persona hoben (Millennial) mi accepta e reto di Lidera lista/partido PPA, mi a pensele profundamente y despues di a reuni algun hora cu sr. Benny Nisbet mi a dicidi di accepta e reto cu ta ensera pa contribui na guia PPA y participa na e proceso Democratico pa salba nos pais stima Aruba.
Nos prioridadnan como partido y como combinacion di Lista ta e.o. pa soluciona e crisis financiero, economico y social di nos Pais:
- Maneho financiero (Meta di PPA-UPP lo ta pa baha e gastonan di gobierno, iniciando cu conseho di Minister mes, bahando e cantidad di Minister pa 7 y mara e staf na un plafond di max. 12 persona. Analisando y bahando e gastonan en general di gobierno.)
- Siguridad (nos ta referi e.o. na nos Masterplan pa eleva siguridad na Aruba)
- Good Governance (implementacion di mas transparencia y control)
- Ensenjansa (Prioridad number 1. PPA lo inicia un maneho pa hasi ensenjansa liber/gratis gradualmente 2. PPA-UPP su maneho lo encera mas inversion den e alumno/studiante, mas inversion den e maestro y mas inversion den e maneho di ensenjansa)
Mi ta desea di gradici sostenedor di otro organisacion politico den esaki, sostenedor di partido AVP cu tabatatin e caretera basta ‘druk’ na altura di Savaneta/Pos Chikito - no cabe duda cu e hecho cu e caretera principal ta sera tambe a hunga un rol - y a coopera pa hala un banda pa duna e caravana di PPA/UPP e espacio pa pasa nan pa nos por a jega na ora na Stadhuis. Un gradicimento sincero pa esaki!!
Tambe ora nos a jega net pabow di ELMAR nos a confronta e hecho cu ja a worde permiti na e grupo di MEP pa drenta den Wilhelminastraat! Aki PPA ta desea di gradici Cuerpo Policial pa nan intervencion y guia pa a regla pa PPA por a jega Stadhuis prome, como cu nos mester a entrega nos lista prome cu partido MEP, cual tabata entre 1 or pa 1.30 di merdia. Un danki na Cuerpo Policial!!
Finalmente pa nos logra e metanan aki nos mester di sosten di pueblo. Pa e motibo aki den mi calidad di e funcion di Lider di partido PPA mi ta hasi un apelacion serio y sincero na henter nos pueblo pa pueblo duna nos e sosten den firma na Censo di Aruba iniciando dialuna, 7 di augustus 2017 pa 11 di augustus 2017, di 9 a.m. pa 8.30 p.m. na e oficina di Censo caminda ta busca paspoort, dilanti Wilhelminaplein. Nos ta conta riba sosten di pueblo di Aruba, pa nos Aruba Semper ta Prome!
Aruba, 6 di augustus 2017
Lider Politico di PPA
Kar-Lie M.A. Ng
Expresionnan haci den e articulo aki no necesariamente ta refleha opinion di ArenaPoliti.co