Siman pasa mi a biaha bai merca pa atende un convencion di aviacion como cuidadano. Durante mi estadia ayanan mi a wordo notifica cu parlamentario Melvin Tromp a atakami y ligami cu narco etc. Mi a pensa riba esaki y a imagina mi mes cu si tawata berdad cu mi ta e monster cu nan ta pintami con por ta posibel cu mi tawata cu tur paz y trankilidad hasiendo mi biahe pa Merca. Mi a keda asombra pa mira con parlamentario Tromp ta wordo usa como mucha manda di Mike Eman y Henny Eman. Remarcabel ta cu e mesun campaña aki y mesun informacion a wordo usa na 2013.

Awor dos anja despues Mike Eman y Henny Eman a convence parlamentario Tromp pa atacami como nan mucha manda. Ora cu nos pone esaki den balansa cu tur mi esfuersonan pa habri e refineria ta lagami pensa kiko ta nan intencion ta berdaderamente? E realidad ta cu e insinuacionan aki si nan yega Venezuela e lo perhudica tur e esfuersonan cu nos ta hasiendo pa logra habri e refineria aki na Aruba. Ta di lamenta cu niun hende di Melvin Tromp y Mike Eman nunca a lanta un dede pa yuda e pueblo y awor kier purba perhudica ami personalmente y pero increiblemente kier destrui nos Pueblo su deseo pa mira nos refineria habri

Bosonan mester usa criterio propio y stop di laga boso mes wordo usa di tal forma. Nos ta bai keda firme pa defende nos pueblo di boso mal gobernacion y lo continua cu e trabounan pa habri e refineria. Nos sa cu esei ta hasi boso dolor pero nada lo stop nos di sigui traha pa nos pueblo.

Expresionnan haci den e articulo aki no necesariamente ta refleha opinion di ArenaPoliti.co