Benny Nisbet (PPA): “Min Otmar Oduber a pone un time-bom bao di Gabinete Mike Eman…. Cu un mecha di 7 siman largo……..Te cu 1 di maart 2016!!”
E declaracion di ministro Otmar Oduber despues di su bishita na Gobernador ta algo ‘inovativo’ pa locual ta trata involvimento di un Gobernador. Normalmente ora ejecutivonan ‘mal contento’ anuncia cu nan ta bishita Gobernador ta pa nan saca nan conclusion !! Pasobra si un ejecutivo/ministro NO tin intencion di saca su conclusion simpelmente E no tin mester di bishita Gobernador excepcion ta e bishitanan mensual cu no ta worde anuncia emocionalmente manera e anuncia aki a tuma lugar.
Mester admiti si cu e informacion di Ministro Otmar Oduber a duna a pone un BOM bao di Gabinete Mike Eman y officialmente a hasi publico un crisis cu segun palabranan di ministro Otmar Oduber lo ta tumando lugar pa basta tempo kaba. SI ajera y awe henter pueblo a sigui e diferencianan di opinion y conecta e diferencianan aki na nos Carnaval y e diferencianan entre SMAC y MUSICA…….Ministro Otmar Oduber a declara cu eseynan ta djies ‘ un tip of the iceberg’…cu otro palabra tin hopi mas diferencia di opinion.
DECLARACION DI MINISTRO OTMAR ODUBER A PONE UN DESCONFIANZA CONTRA 13 MIEMBRO DI STATEN !!
Segun nos Constitucion di Aruba (staatsregeling) ta Staten di Aruba mester controla gobierno y ministro nan funcionamento y ora esaki ta necesario…Staten tin e deber di saca conclusion. Si analisa e mensahe di ministro Otmar Oduber cu si e funcionamento di maneho di Ministro di Justicia y di Ministro di Finanzas NO drecha anto lo e mester saca su conclusion……..esaki kiermen cu Ministro Otmar Oduber a hasi diferente cos cu su strategia politico”. El a fada cu 13 miembro di Staten NO por a habri nan boca y controla gobernacion debidamente.
- E NO a entrega retiro …locual lo a hasi e situacion den AVP y Gobierno hopi fascil pa nombra un reemplazante y sigui nan caminda !!
- Ministro Otmar Oduber a deposita un BOM di SIETE SIMAN bao di gabinete Mike Eman !!
- Ministro Otmar Oduber a pone e motibo pa e crisis riba e ‘maneho di Justicia y e maneho di finanzas’ …..y no su propio maneho di Turismo of interesnan di Turismo…..declarando indirectamente cu AVP su fraccion den parlamento simpelmente NO ta sirbi …..!!! Aki ministro Otmar Oduber a duna tanto su coleganan di Justicia y Finanzas un mocion di desconfianza pero tambe El a pone un mocion di desconfianza riba e 13 miembro di AVP den parlamento.
- Cu e strategia aki ministro Otmar Oduber a hinca un crisis di SIETE siman bao di gabinete Mike Eman !!
- E discussion cu lo mester tuma lugar a consecuencia di e strategia di ministro Otmar Oduber lo pone pression bao di e 13 miembro di Staten di AVP pa nan tambe actua como tal….y esaki lo por trece cunele cu den futuro cercano …algun miembro di Staten cu NO ta di acuerdo cu maneho di Justicia y Finanzas……..lo mester sali for di kashi y tuma posicion en vez di actua manera popchi di e Ministro Presidente Mike Eman.
MIN PRES/LIDER DI AVP LO NO TA HASCIENDO SU TRABAO !!
Ora tene cuenta cu sr Otmar Oduber siendo ministro di Turismo, mester a cuestiona maneho di e.o. Justicia, Educacion y Finanzas publicamente ta nifica cu sr. Otmar Oduber ta cuestionando publica e forma cu sr. Mike Eman ta duna contenido na su tarea como Lider di AVP / Ministro Presidente di pais Aruba, pasobra como Lider ta su persona mester por papia ‘palabra cla’ cu e tres ministronan cu ta worde cuestiona nan maneho. Fuera di esey e hecho cu ministro Otmar a scoge pa bai cerca Gobernador y no cerca su Ministro Presidente/Lider Politico Mike Eman ta indica cu lo tin diferencianan di opinion y falta confiansa enorme entre e dos figura politico aki !!
PROBLEMATICA DI CARNAVAL !!
Ministro Otmar Oduber a menciona cu e asunto di Carnaval ta just ‘the tip of the Iceberg’ hasciendo un esfuerzo pa kita atencion di e diferencianan di opinion riba Carnaval unda su persona lo por ta mal mira y a hasi un esfuerzo di pone e atencion publico riba maneho di otro ministro.
Conclussion:
Ministro Otmar Oduber a deposita un Timebomb di siete (7) siman bao di Gabinete Mike Eman !! Un analisa forza den seno di AVP por conduci cu ora e momento jega No ta ministro Otmar Oduber so lo bandona AVP y aki PPA ta referi specificamente na e 13 miembro di Staten cu a hanja un stempel di Otmar di NO ta hasciendo nan trabao como representante di pueblo pa realmente controla nan ministronan…!
Aruba, 6 Januari 2016
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...