Durante e bishitanan cu nos ta realisa den casnan di pueblo nos a constata cu tin gruponan di pensionado, bijstandtrekkers y esnan cu ta ganando minimumloon no por paga carga e peso financier di e huur cu nan tin cu paga na FCCA. Den cierto casonan ta paga 700 florin na huur sin conta recibonan di awa y coriente consecuentemente lo no bai resta placa pa nan por hiba un bida digno y sostene nan famia.

E parti di financiamento door di FCCA pa traha cas ta quotanan di pago inpagabel pa famianan na Aruba. FCCA a wordo lanta tawata pa hasi'e posibel pa tin casnan sociaal rond di Aruba y pa tur famia por logra paga esaki pa asina tin un DAK riba nan cabes.Nos ta kere cu na e momentonan aki nos cuidadanonan ta wordo mal sirbi door di FCCA y cu interesnan exageradamente halto. Obviamente e condicionnan cu ta wordo duna ora di sera contract ta inhusto pasobra te dia di awe tin cuidadanonan cu no ta donjo di nan propio cas. Si berdad FCCA tawata husto lo a binda condicionan cu ta pagabel segun capacidad di cada cuidadano.

Den 7 anja di Gabinete Mike Eman no a traha ni 1 cas di pueblo awor cu elleccion ta asercando ta core anuncia cu lo traha 1000 cas prome cu eleccion sumamente hipocrita. Nos di MEP ta comprometi pa evalua e sistema di financiamento di FCCA pa cuidadanonan un dia por yega na nan cas. Nos kier pe forma di pago ta uno husto y segun capacidad di repago di cada cuidadano.

Expresionnan haci den e articulo aki no necesariamente ta refleha opinion di ArenaPoliti.co