A rais di e informacionnan cu a sali cu e negociacion cu CITGO lo ta bayendo dificil nos kier bisa lo siguiente: segun nos informacion no tin niun motibo pa tin problema den e negociacionan entre Gobierno cu CITGO a menos cu tin interes stranjo cu kier bin mete nan mes den un projecto asina vital pa e futuro di Aruba cu ta e reapertura di e refineria. Un situacion asina lo ta totalmente inaceptable.

MEP NA Gabinete Mike Eman: NO TIN ESPACIO PA WEGA. NO TIN ESPACIO PA INTERESNAN STRANJO METE Y STROBA CAUSANDO TARDANSA. E refineria di Aruba MESTER HABRI AWOR PA ASINA NOS PONE TUR NOS JUINAN DI TERA y TUR E CONTRATISTANAN LOCAL BEK NA TRABAO.

MEP na Gabinete Mike Eman: FINALISA E ACUERDONAN AWOR Y MANDA NAN PARLAMENTO PA NOS CONSIDERACION Y APROBACION PA ASINA E TRABAONAN PA RESTART E REFINERIA POR CUMINSA PA CABA. Sigi tarda ta wega y MEP y nos DIGNO PUEBLO NO TA ACEPTAMAS. SI GOBIERNO DI AVP SIGI HUNGA WEGA CU DESTINO DI NOS JUINAN Y DI NOS PUEBLO TRAHADOR NOS TA DRENTA DEN ACCION ORA ZERO ATROBE PA DEFENDE E REFINERIA Y LOGRA PA E REFINERIA HABRI AWOR. REFINERIA DI ARUBA TA PATRIMONIO DI NOS JUINAN, e REFINERIA DI ARUBA TA PATRIMONIO DI HENTER NOS DIGNO PUEBLO.

Expresionnan haci den e articulo aki no necesariamente ta refleha opinion di ArenaPoliti.co