Guillfred Besaril (MEP): "Crimen y Insiguridad a bira un industria riba su mes danki na partido AVP!"
Parlamentario señor Guillfred Besaril a enfatisa durante rueda di pensa di partido MEP cu e negligencia y terkedad di partido AVP a crea e oportunidad pa crimen y insiguridad ta awe un industria riba su mes. Un industria cu ta den un high season pa tempo indefini. Ta tristo pa bisa, pero e high season aki ta e unico high season cu ta dura henter aña.
E situacion a yega na un punto critico y no por sigui asina mas. Mester bin un cambio y e cambio mester bin pronto. Aruba merece un cambio awo y partido AVP a prueba di no tin e solucion pa e ola di criminalidad cu ta asotando nos pais. Nos ciudadanonan no merece tanto golpi asina.
E gobierno actual no a percura pa departamentonan tin e personal y material necesario pa por combati criminalidad den un forma efectivo. Ta obvio cu e prioridad di e gobierno actual ta pa traha riba estetica y no pa hinca e fondonan necesario den loke ta importante pa e isla. Tur e sucedidonan di e siman tras di lomba ta prueba cu locual partido MEP ta bin ta trece padilanti desde inicio di e gobernacion di AVP, esta cu e gobierno aki no tin un maneho defini, sino mas bien ta traha sin pia y sin cabes! Crimen a para bira un industria na Aruba. E cantidad di arma cu tin den circulacion ta alarmante. Nos fronteranan ta hancho habri haciendo asina e importacion di armanan ilegal algo masha facil mes pa e criminalnan.
MEP na mas di un ocasion a boga na Prome Minister Mike Eman pa tuma accion den e tereno di husticia. No por sigui cu un maneho reactivo riba e tereno di husticia. Prevencion mester cuminsa haña e atencion cu e merece. Pero aparentemente siguridad y trankilidad di pueblo di Aruba no ta importante ni pa Prome Minister, ni e demas integrantenan di su gabinete. E gobierno actual a prueba cu husticia y siguridad di Aruba nunca tabata y nunca lo ta nan prioridad!
E situacion a yega na un punto critico y no por sigui asina mas. Mester bin un cambio y e cambio mester bin pronto. Aruba merece un cambio awo y partido AVP a prueba di no tin e solucion pa e ola di criminalidad cu ta asotando nos pais. Nos ciudadanonan no merece tanto golpi asina.
E gobierno actual no a percura pa departamentonan tin e personal y material necesario pa por combati criminalidad den un forma efectivo. Ta obvio cu e prioridad di e gobierno actual ta pa traha riba estetica y no pa hinca e fondonan necesario den loke ta importante pa e isla. Tur e sucedidonan di e siman tras di lomba ta prueba cu locual partido MEP ta bin ta trece padilanti desde inicio di e gobernacion di AVP, esta cu e gobierno aki no tin un maneho defini, sino mas bien ta traha sin pia y sin cabes! Crimen a para bira un industria na Aruba. E cantidad di arma cu tin den circulacion ta alarmante. Nos fronteranan ta hancho habri haciendo asina e importacion di armanan ilegal algo masha facil mes pa e criminalnan.
MEP na mas di un ocasion a boga na Prome Minister Mike Eman pa tuma accion den e tereno di husticia. No por sigui cu un maneho reactivo riba e tereno di husticia. Prevencion mester cuminsa haña e atencion cu e merece. Pero aparentemente siguridad y trankilidad di pueblo di Aruba no ta importante ni pa Prome Minister, ni e demas integrantenan di su gabinete. E gobierno actual a prueba cu husticia y siguridad di Aruba nunca tabata y nunca lo ta nan prioridad!
Expresionnan haci den e articulo aki no necesariamente ta refleha opinion di ArenaPoliti.co