Den enseñansa actual y pa den futuro uzo di computer ta wordo uza mas y mas. Un situacion cu ta sosede aki na Aruba ta, cu hopi alumno no tin nan mes un computer pa traha riba nan projectonan na cas y no tin internate. Banda di computer locual cu ta wodo uza hopi ora di traha riba projecto nan y / of entrega projecto ta scanner y printer. Pa medio di introduci OLC (OpenLeercentrum) na scolnan secundario, alumnonan tin e oportunidad di traha riba nan projectonan na scol durante of despues di oranan di scol. Un OLC ta un espacio / lokaal caminda tin computer, scanner y printer cu alumnonan tin mester pa nan projectonan y cu e posibilidad di hasi uzo di nan.

Pa e parti di print projectonan cu e alumnonan mester cumpli cu nan, como instituto educativo por pone pa printer un pagina na un prijs relativamente abou. Un prijs relativamente abou cu ta cubri e gasto di e papelnan y e inkt. E grandura di e espacio y cantidad di computer cu e scol mester ta depende di cuanto alumno e scol ta traha p’ e. Mas alumno un scol tin, mas espacio y computer e ta bay tin mester. Tambe lo mester tin un espacio unda cu alumnonan cu ta desea di studia, por tin tur e trankilidad pa por sinta studia. Pa medio di un OLC, scolnan por cumpra un cantidad di licentie pa su alumnonan. Licentie ta enbez di cumpra buki, ta cumpra nan digital y pagina cu e alumnonan mester ta laga print. Licentie ta conta igual pa programanan di computer cu alumnonan mester uza pa scol. Pa e OLC traha optimal y efectivo, ta bay tin mester di ICT beheerder cu ta controla y supervisa e OLC. Pa medio di ICT beheerder, pagina web cu ta prohibi pa wak of hasi uzo di nan na scol ta wordo blokia. Tambe lo tin control pa esnan cu kier bin molestia otro nan. Asina alumnonan ta siña cu e OLC ta un caminda pa traha y no pa bay hasi mal uzo di dje.

Expresionnan haci den e articulo aki no necesariamente ta refleha opinion di ArenaPoliti.co