Diamars ultimo, dia 6 di januari 2015 e lucha riba Aruba pa un gobierno drechi y decente, a inicia!!
“NOS TA ARUBA” a exigi retiro di gobierno di Mike Eman 2, y un investigacion door di Reino riba tur e casonan di fraude y di corupcion riba Aruba.
E demanda a wordo manda pa gobierno di Reino, Minister-President Rutte, minister Plasterk y Gobernador, y a wordo entrega tambe na e parlamentarionan Hulandes Bosman y Recourt, y na e demas miembronan di e 1ste y 2de Kamer Hulandes kendenan actualmente ta na Aruba.

“NOS TA ARUBA” ta un asociacion boluntario di e gruponan den comunidad CAN, TA BASTA, GRUPO 7, NOS PAIS ARUBA, y e sindicatonan T.O.P.A., S.T.A. y S.C.C.A.

“NOS TA ARUBA” ta informa Pueblo di Aruba di e metanan cu nos kier logra pa Aruba, esta:

1. Un gobernacion drechi y decente riba Aruba;
2. E retiro di gobierno Mike Eman 2;
3. Un investigacion riba tur e casonan di fraude y corupcion, ehecuta door di un Comision di
Investigacion di Reino, institui mediante un Koninklijk Besluit (KB);
4. Un solucion pa e problemanan financiero di Aruba, sin cu medidanan ta ser tuma contra e
Pueblo of contra Comercio;
5. E cancelacion di tur e proyectonan PPP (cu excepcion di e asina yama Ringweg cu ta
conduci pa e hotelnan) y e cancelacion di e parke di molina na Urirama;
6. NO desmantela e refineria, pero duna un oportunidad na tur e ofertanan cu ta haci posibel
pa e refineria keda habri;
7. Envolvi y nombra pa e gobernacion di Pais Aruba e mihor profesionalnan riba cada tereno y
den cada materia, kendenan – fuera di ta specialisa riba nan tereno di experticio – ta
tambe integro, y tin un mision y un vision pa nan Pais;
8. Investigacionnan riba integridad pa tur minister, parlamentario y directornan di
departamento/hefenan di servicio; elimina tur inmunidad;
9. Regularizacion di donacionnan na partidonan politico, y eliminacion di obligacionnan na
patrocinadornan;
10. Asociacion na partidonan politico den oposicion, cu den lineanan grandi lo kier sera un
acuerdo di maneho cu “NOS TA ARUBA”, pa asegura cu un cambio di un partido den
gobierno no unicamente ta un cambio di un color politico, pero principalmente un
cambio pa
UN GOBERNACION DRECHI Y DECENTE,
na fabor di e bienestar y prosperidad di un y tur, y di e interes general.

Ora e asociacion aki cu e partido(nan) politico ey ser realisa, “NOS TA ARUBA” lo ta representa mas di 50% di e comunidad di Aruba.

Expresa bo simpatia pa “Nos ta Aruba” via:
Jan de Ruijter Nos Pais Aruba This email address is being protected from spambots. You need JavaScript enabled to view it.
Rene Bernabela T.O.P.A. This email address is being protected from spambots. You need JavaScript enabled to view it.
Mike Williams Grupo 7 This email address is being protected from spambots. You need JavaScript enabled to view it.
Mimi Rossel Ta Basta This email address is being protected from spambots. You need JavaScript enabled to view it.
Jose Giron S.C.C.A. This email address is being protected from spambots. You need JavaScript enabled to view it.
Hendrik Tevreden C.A.N. This email address is being protected from spambots. You need JavaScript enabled to view it.

Den nomber di “Nos ta Aruba”,


Jan de Ruijter – Nos Pais Aruba
This email address is being protected from spambots. You need JavaScript enabled to view it.
januari 8, 2015
Klik aki pa lesa e carta

Expresionnan haci den e articulo aki no necesariamente ta refleha opinion di ArenaPoliti.co