Otmar Oduber a splica cu tres aña despues cu gobierno a sinta cu tur partner y traha un 'action plan', te dia di awe, nada a wordo haci pa loke ta trata e inventarisacion aki y tampoco gremionan a wordo poni na altura. Segun Oduber, no a sosode nada nobo riba e tereno social. Tambe Otmar Oduber a elabora cu desde siman pasa ta atendiendo cu gran cantidad di partner, gremionan tanto comercial, social y religioso den nos comunidad pa scucha for di nan y cu pronto lo cuminsa reuni cu stakeholders den enseñansa, salubridad y medio ambiente pa asina bin cu un programa cu lo atende cu e problemanan cu ta wordo sinti den comunidad.

Andin Bikker a papia cu tin un maneho contradictorio pa loke ta trata infrastructura. Finalmente, Bikker a splica cu e lo haci pregunta via parlamento pa haya sa con, di akinan pa eleccion, gobierno lo garantisa cu oposicion tambe ta haya exposure na nos canal di television nacional.