E  CRISIS  GRANDI  DEN  NOS  TURISMO      

UNDA NOS FLAMANTE MINISTER NOBO DI TURISMO A KEDA!? 
Comunidad Arubano un biaha mas a ser tumá haci (a wordo “genaaid”) door di prome minister Mike Eman y su gobierno.
Esun cu a kere cu Mike Eman a nombra Mike de Meza como minister di turismo despues di e retiro di Otmar Oduber, a wordo engañá.
NO tin un minister di turismo nobo! Bo no ta weita Mike de Meza at all, e no ta presente ningun caminda, y e ta laga turismo den man di ATA.
Den otro palabra turismo ta completamente sin direccion y maneho, y p’esey tambe nos ta sintá cu e siguiente resultadonan: den luna di januari 2017 Aruba a ricibi 14.25% menos turista compará cu januari 2016, na december 2016 turismo tabata 18.1% menos, na november 2016 28.7%, y na october 2016 30%.
Cifranan pa ta orguyoso di nan??
Bon trabao, AVP! Pabien Mike Eman, masha pabien Mike de Meza!! Di berdad boso ta un gobierno formidabel cu ministernan fabuloso!
Y AHATA? Eseynan tabata acerca, nan tabata para wak (“zij stonden erbij en keken ernaar!”), y tabata o.k. cu tur cos.
Bo ta corda cu e AHATA chistoso ey ainda riba 28 di december 2016 a scirbi den corantnan local cu nan tabata spera un prome cuartal fuerte pa aña 2017?
E realidad duro y amargo ta cu turismo di Aruba ta kibrá, bo por bisa hasta na filingrana; e producto hotelero di Aruba, cu su Holiday Inn y su Hilton, ta un concepto di añanan 70 di siglo pasá; e monsternan aki na Palm Beach ya no ta yena ni ta satisface ningun necesidad di e viahero di awendia, sea hoben of rico; e producto hotelero di Aruba ya no ta pas mas den e tempo moderno aki.

TURISMO  DEN  CARIBE 
Tur destinacion turistico den e area di Caribe a ricibí na januari 2017 mas turista compará cu januari 2016, y nan tur na aña 2016 a ricibí mas turista compará cu aña 2015.
Ta p’esey mes tambe e destinacionnan aki ta haci inversionnan miyonario (“mega”) den hotelnan nobo, esta den hotelnan di 5 strea y super luhoso, cu - di e manera aki - por ofrece un producto completamente nobo.
E cadenanan di awendia, nobo y moderno, cu ta ofrece cambernan di hotel cu ta responde na e exigencianan nobo di e viahero hoben y rico, ta por ehempel Grand Vela, Royalton, Kimpton, Zoëtry, Sandals y Banyan Tree; ta Jamaica, Belize, Turcs & Caicos , St. Lucia y e costa Caribeño di Mexico ta e destinacionnan favorito di inversionistanan grandi di Merca, China, Spaña y Medio Oriente.
E cambionan grandi den e producto hotelero y den e empresanan cu ta maneha y dirigi hotelnan, a tuma lugar alrededor di aña 2008 y despues di esaki; pero lamentablemente e desaroyonan (“trends”) nobo aki no a capta, ni a haya atencion at all ni di Otmar Oduber, ni di Mike Eman, ni di ATA, e ultimo aki cu toch ta esunnan cu mester ta riba nan “qui-vive”.
E atencion tabata mas dirigí toch riba propio enrikecemento mediante e “parkeer-meter”-nan, e contract di “hedging”, financiamento Panameño pa e Hard Rock Hotel, Roberto Rincón, Span Ospino, Francisco Kiko Gomez; pues nan no tabatin tempo pa sigui e cambionan grandi den turismo pa e area di Caribe, tampoco pa corda riba e bienestar y prosperidad di e Pueblo di Aruba….no, cada dia di nobo nan tabata demasiado ocupa cu e maneho di nan propio interesnan.
P’esey turismo di Aruba ta bay sigui kibra mas y mas.
Aruba NO tin e producto hotelero nobo, al contrario nos a keda sinta cu cadenanan hotelero inferior manera Holiday Inn, RIU, Hilton, Barcelo, y si Otmar Oduber a haya su kier, tambe cu un Bahia Principe, un di e empresanan hotelero “budget” all-inclusive mas barata y inferior den Caribe!

MIENTRAS  ARUBA  TA  CABANDO  NA  NADA  PA  MOTIBO  DI  CORUPCION  Y  UN  GOBERNACION  INCOMPETENTE,  RESTO  DI  MUNDO  TA SIGUI  DESAROYA  NAN  INDUSTRIA  TURISTICO.
Anteriormente den otro articulo, ya a ser papiá di e desaroyonan na Mexico y riba e isla Hainan. Awe mi por lagabo lesa algo tocante e “theme park” nobo na Dubai, unda ta wordo invertí casi 3biyon dollar den un “theme park” cu teaternan, un “Legoland”, parkenan di awa, shopping mallnan, hotelnan, un theme park “Hunger Games”, bailarinnan, cantantenan, entretenimiento, shownan acrobatico cu trampoline, etc., …..bo mes lesa:

Dubai is building a $2.8 billion theme park

Dubai is about to bring out the kid in you, and the effort is going to cost $2.8 billion. On Tuesday, the small but mighty city already known for its over-the-top luxuries unveiled plans for a nearly $3 billion theme park that will make your childhood trips to the carnival look like, well, child’s play. The Dubai Parks & Resorts boasts a Taj Mahal-inspired theater, a theme park based on Legoland, a water park, and so much more. After all, when you’ve got 9.5 square miles to work with, the sky is effectively the limit.

“Dubai Parks and Resorts is where the best of the East meets the best of the West to create a world of fun and adventure unlike any other,” the park’s website says. Included in this magnificent world will be a shopping center and a hotel, so even if you tire of the three theme parks and adjacent water works, you’ll still be able to enjoy yourself.
And that’s certainly the hope of Dubai officials, who say they want to bring 20 million visitors by 2020, making the Dubai Parks & Resorts “the ultimate year-round international tourist destination.” Many of the attractions are based on popular movies, with a Hunger Games section promising to be catnip to Katniss fans. But if you’re not an American movie fan, no need to worry — there’s a Bollywood park, too.

Already, in preparation for the park’s grand opening, more than 400 dancers and singers have been hired from across the world to provide endless entertainment. The Resorts will have costumed characters, rappers, and acrobatic trampoline artists so that the whole family will stay amused. “What we are doing is truthfully extraordinary,” said Jason Ramsburg, the director of live entertainment at the park. “We have over 400 performers and really high-quality brands with the best of the best in the world.”

LOCUAL  NA  OTRO  PARTI  DI  MUNDO  SI  POR,  NO  POR  RIBA  ARUBA…..PAKIKO  ESAKI  NO  POR  SOCEDE  NA  SAN  NICOLAS……
E  CONTESTA:  E  MINISTERNAN  DI  AVP  TIN  NAN  MANNAN  YEN  CU  E  MANEHO  DI  NAN  PROPIO  INTERES.

Remigio A. R. Wever
Ex-director A.T.A.

Expresionnan haci den e articulo aki no necesariamente ta refleha opinion di ArenaPoliti.co