Fraccion Mep a pidi reunion pa debati riba futuro di refineria 

Ultimo simanan e futuro di e refineria ta hopi den discussion. Na un promer instante y te cu siman pasa tawatin un silencio hermetico di parti di Gabinete Eman y minister di asuntonan economico Mike de Meza. Ta crea e impreshon cu tin un total desinteres y cu probablemente ya lo tin dealnan hasi caba y ta pa e motibonan ey gobierno no ta hasiendo ningun tipo di esfuerso pa rescata e refineria y yega na un posibel re-apertura.
Minister de Meza a laga sa den pasado cu lo no tin ningun interesado y ta pesei no tin otro opcion cuta sigui e ruta di desmantelacion. contrario na loke Minister de Meza a laga sa nos a constata For di fuentenan fededigno cu den pasado mas cu un comprador potencial a aserca Valero pa negocia posibel compra di esaki. Ambos Valero y Gabinete Eman tur e tempo a hunga cu e future y economia di nos pais sin cu nan ta pensa riba e consecuencianan.
E refineria a respresenta 12% di nos economia cual ta nifica cu un re-apertura por salba nos pais y spaar pueblo di un avalanche di medida. E ta di lamenta cu nos a tuma nota for di un comunicado cu e refineria no ta na benta mas y pa colmo Gabinete Eman y minister de Meza no tin weso di lomba pa para defende e desaroyo y futuro di nos pais. Relaciona cu esaki nos fraccion a pidi un reunion publico pasobra Minister de Meza mester duna claridad. Nos ta convenci cu president di parlamento ta mira e mesun urgencia y lo honra nos peticion y jama e reunion publico aki a corto plazo.

Expresionnan haci den e articulo aki no necesariamente ta refleha opinion di ArenaPoliti.co