Diaranson dia 11 di oktober 2016 Partido Democracia Real a tene un conferencia di prensa den cual parlamentario Andin Bikker a hiba palabra. Sr. Bikker a elabora riba e punto di bista cu Gabinete Eman II a haña su di 3 mocion di desconfiansa di Hulanda. Sr. Bikker a splica cu si e instrumentonan den parlamento no ta traha mas, e pueblo ta subi caya. Bikker a laga sa cu minister Dowers no ta apto pa e trabou y mester wordo cambia. Segun Andin Bikker, contrario na minister Dowers, PDR si tin un plan pa combati criminalidad. Sr. Bikker a sigui bisando cu PDR ta preocupa cu speechnan di indole politico a wordo duna na reapertura di e refineria. Finalmente Andin Bikker a papia riba plannan di PDR pa un economia di internet como di tres pilar economico na Aruba. Klik play pa scucha.

Expresionnan haci den e articulo aki no necesariamente ta refleha opinion di ArenaPoliti.co