Aña 2016 ta un aña scur pa pais ARUBA unda minister di husticia y gobierno di AVP no sa mas con pa combati e Criminalidad cu a crese drasticamente aki na Aruba.  Te asta nos minister di husticia ta bai asina leu di comporta su mes super Arogante ora cu hasiele pregunta of ora cu nan bise su berdad. Hopi biaha un persona ta bira arogante ora cu e no por saka su curpa mas. E siman aki a sigi cu e racha di atraco na cas di un famia na Zeewijk, despues cu a sera e siman pasa cu un atraco atrobe na un cas di famia na Moko. Ora cu e pregunta of remara nan a ser hasi na nos minister di hustica, e ta bisa cu ta un percepcion of oposicion ta hunga politica. Ami ta di opinion cu minister di husticia mester bira serio y trek su conclucion, mirando cu nos como pueblo di Aruba a dunele suficiente beneficio di duda. 

 

E mas tristo ta cu ora cu minister ta den parlamento, e fracion di AVP cu ta mas grandi den parlamento no ta respeta ni su mes pa cumpli cu su trabou pa questiona y coregi su minister di husticia. 

Mas tristo ta ora cu presidente nobo di parlamento ta baila manera cu gobierno ta ponele baila, e ta lubida cu ta su persona ta e persona mas halto den parlamento, cu ta su persona den su funcion como presidente di e organo mas halto di nos pais tin di trese respet den parlamento, y no wega den palamento. Mi ta referi riba e reunion cu minister di husticia, cu a ser jama diripente y contra e reglamento di ordo di Parlamento ora cu un gran parti di oposicion tawata den exterior.

 

Awor cu un grupo serio di Comerciante hunto cu Sindicatonan a disidi pa hasi nos pueblo di Aruba conciente, cu Aruba no por sigi den e rumbo aki mas, unda cu nan a disidi pa organisa nan mes pa start cu un “Marcha contra Criminalidad” cu lo tuma lugar diahuebs awor 13 di Oktober 2016, ata e mes un minister di hustica ta sali atrobe bisa cu ta un Marcha Politico!!! Tristo pa scucha un persona studia, cu ta supose den mi bista di ta profecional ta sali bisa atrobe sin argumento cu ta oposicion a organise y cu ta MEP y PDR ta hasi of hunga politica, sin respeta e personan nan cu a organise y tampoco sin wak e seriedad di criminalidad cu ta pasando/cresiendo riba nos dushi Pais Aruba. 

 

Mirando e comportacion di nos minister di husticia ta lagami di pensa cu su persona no sa mes cu na aña 2013 tawata tin 34 atraco aki na Aruba. Pa aña 2014 a subi te 42 atraco aki na Aruba. Pa aña 2015 a bolbe subi te 44 atraco aki na Aruba. Pa e aña aki 2016 te 10 di Oktober ela bolbe subi te na 56 atraco caba aki na Aruba. Tambe tawata tin 950 ladronicia na cas nan di famia den 2016 (esaki ta un averahe di 3,4 cas pa dia). Tin 8 asesinato. Mi no a trese ladronicia di auto hasi aki na Aruba den e informacion aki. 

Tristo ta cu sumanan grandi di placa di pueblo di Aruba ta ser hinca den nos projectonan aki na Aruba, y gobierno ta lubidando riba placa pa husticia, dus pueblo di Aruba mester exigi pa cambia e mal maneho aki y pone e prioridad di nos gobierno na su lugar, pa hinca of reserva mas placa riba presupuesto di ministerio di husticia. Aruba no por sigi den e rumbo aki mas. Remarcabel tambe ta cu gobierno no ta bin cu un solucion of splica e pueblo con e ta bai conbati e asunto di criminalidad aki. Den mi opinion minister di Husticia mr. Artur Douwers ta keda responsabel. Pueblo di Aruba merese mihor trato y respet.

 

Mi ta termina bisando lo sigiente. Arubiano ta hende pacifico, nos hendenan aki na Aruba kier un Aruba Sigur sin Criminalidad, unda cu tur hende ta ser respeta, ta felis y ta uni cu otro. 
Ta pesey mi kier a invita tur hende aki na Aruba cu ta stima Aruba, cu ta stima nan mes y ta stima nan famia. Pa ban e Marcha nacional pa nos SIGURIDAD (contra Criminalidad), diahuebs, 13 di Oktober 2016, pa 4or di atardi, saliendo for di Postkantoor na Playa.

 

Ora cu un pais tin democracia, e ora tin respet pa nos pueblo, gobierno mester duna bon informacion. Nos di PDR ta defende interes di pueblo di Aruba.

Mi ta termina bisando:”como ciudadano conciente mi tin e responsabilidad pa hasi pregunta of duna mi remarke ora mi ta hanja cu pueblo no ta hanja informacion riba cual nan tin derecho di hanja.” 

 

Atenta mente,

 

Ing. Alonso Tromp di PDR

Email: This email address is being protected from spambots. You need JavaScript enabled to view it.

Cell.: +297 5930011