Declaracion di Prensa di Gabinete Mike Eman II relaciona cu manifestacion di 13 di oktober 2016
Relaciona cu e ‘Marcha Nacional Pa Nos Siguridad’ cu a tuma luga 13 di oktober 2016, Gabinete Mike Eman II a manda e siguiente declaracion pa prensa:
ORANJESTAD – Riba diahuebs, 13 di october 2016, un delegacion di Conseho di Minister, consistiendo di Prome Minister mr. Mike Eman, Minister di Husticia mr. drs. Arthur Dowers, Minister di Desaroyo Urbano, Infrastructura y Integracion sr. Oslin (Benny) Sevinger, Minister di Asuntonan Social, Hubentud y Labor drs. Paul Croes y Secretaris di Conseho di Minister mr. Nicole Hoevertsz, a ricibi un delegacion di e Comision Pro Seguridad, organisador di e manifestacion cu a tuma luga riba e fecha menciona, consistiendo di sr. Hubert Dirks, sr. Diego de Cuba, sra. Tatiana Eman y sr. Rene Bernabela.
Den e encuentro a keda acorda cu di parti di Gobierno lo tuma e paso y decisionnan necesario riba termino corto pa cu e siguiente puntonan specifico:
- Declara seguridad como prioridad y aplica un maneho di zero tolerancia contra criminalidad y ilegalidad;
- Aumenta e presupuesto 2017 cu 10 miyon florin adicional cu ta wordo aloca pa combati criminalidad;
- Reforsa Cuerpo Policial di tal forma cu comunidad por conta cu mas polis riba caya.
Expresionnan haci den e articulo aki no necesariamente ta refleha opinion di ArenaPoliti.co