Un promer minister di un pais mester un persona para fuerte den su sapatonan y mester por para duro ora discusionan ta surgi. Loke nos a nota ta cu promer minister Mike Eman ta hopi debil y a perde control riba e direccion cu mester guia nos pais. Nos pais a wordo goberna e ultimo 7 anjanan aki basa riba ganajamento y manipulacion. Nos a wordo bisa pa anjas cu e relacion entre gobierno di Aruba y gobierno Hulandes ta bon.  Nunca antes a nenga di firma presupuesto di pais Aruba. Nunca antes un gobierno a haya un KB. Nunca antes un promer minister di Aruba a bai un welga di hamber pa lucha pa un causa. Nunca antes Hulanda NO a scohe un gobernador pa Aruba. Gobiernonan di MEP bao liderazgo di ex promer minister Nel Oduber a nombra 3 gobernador y tur e bai sin problema. E promer chance cu Mike Eman a haya pa nombra un gobernador e la faya manera por a wordo premira. Un lider debil cu no ta para fuerta nunca por para pa su pais. Semper den historia di nos pais partido AVP tawata para banda robez di historia y nunca esaki a cambia. Loke ta pasando awe ta culminacion di locual AVP mes a sembra. Awe nan ta haya e cosecha.

Promer minister Mike Eman NO tin control riba su ministernan, no tin control riba su gobierno y su parlamentarionan ta totalos. Ningun parlamentario di AVP tin algo di bisa den e gobernacion cu a destrui nos pais.

E problemanan cu pais Aruba ta aden awor ta hopi serio y tin number y fam, Mike Eman. Un promer minister debil cu no por a percura pa progreso di nos pais. Un promer minister cu mas bien a danja realcion cu Hulanda, a crea chaos, a crea pobreza y un cantidad di problemanan social. Aruba no a progresa e ultimo anjanan. E pobreza ta creciente y pa gran mayoria di nos pueblo e salario no ta alcansa. E debilidad

Mike Eman a enganja nos pueblo, esey ta e simple realidad. Nos pueblo a vota pa elimina BBO, nos pueblo a vota pa un reduccion di tarifa di coriente di 25, nos pueblo a vota pa reduci e costo di bida, nos a pueblo a vota pa un Aruba mas sigur. Ningun di esakinan Mike Eman y su gobierno NO por a cumpli cu nan.

E unico conclusion cu nos por saca despues di 7 anja di gobernacion di Mike Eman ta cu e NO a cumpli y cu nos pais mester un cambio. Nos pais mester di un gobierno sincero, un gobierno cu NO ta tolera corrupcion, un gobierno cu no ta acdepta bendemento di tereno, un gobierno cu NO ta accepta bendemento di permiso, un gobierno drechi cu tey pa sirbi e necesidadnan di pueblo.

Mike Eman a demostra un debilidad enorme pa para e corrupcionan cu tin den su gobierno y mas bien ta tolera y accepta tur cos basta e keda na poder. Manera e la bisa den parlamento dialuna ultimo cu e la accepta e nombracion di sr Alfonso Boekhoudt como gobernador pa PAZ den REINO. Nos mester conclui e ora cu e ta ACCEPTA tur e corrupcionan den su gobierno pa PAZ den Gobierno! 

Expresionnan haci den e articulo aki no necesariamente ta refleha opinion di ArenaPoliti.co