Dialuna mainta Parlamento a trata e ley pa pone condicionnan di calidad pa casnan di cuido di grandinan. E fraccion di MEP a cuminsa ta gaba cu nan a reuni cu organisacionnan. Esaki a resulta di no ta berdad. Den e debate esaki a keda comproba tambe. MEP a exigi pa e organisacionnan wordo envolvi den e proceso di traha e ley. E minister a mustra cu esey a sosode den trahamento di e ley. Tambe MEP a haya cu e ley ta duna e minister man liber pa yena e ley manera e ta desea. E minister den su contesta a contradici tur e remarcanan di e partido MEP. E partido MEP a keda na palabra bashi, pasobra nan no a haci nada cu e kehonan cu nan mes a presenta. Nan no a presenta niun cambio den e ley. Algo cu ta miembronan di parlamento so por haci. MEP no a presenta niun mocion of proposicion pa mehora e ley manera nan lo a desea. Pa colmo MEP mes a hunga un triki falso atrobe y a stroba un debate mas amplio di parlamento riba e contenido di e ley. Asina nan mes a stroba e participacion y debate cu nan mes a pidi p'e.

HIPOCRESIA vs ACTUACION
E comportacion di MEP a bolbe contradeci tur loke nan a bisa of kier a logra. Un hipocresia cu ya a custumbra di MEP. Nan ta bisa hopi pero haci nada! Contrario na e comportacion di MEP, e fraccion di AVP si a reuni cu organisacionnan. Den e reunion e fraccion di AVP a presenta tres mocion pa mehora e maneho y cuido di nos grandinan. E fraccion di AVP a presenta tres cambio riba e ley. Entre otro pa sigura un bon forma pa trata kehonan den casnan di cuido. Tambe a crea e seguridad cu tur ley di ehecucion cu minister traha den futuro, mester wordo evalua door di Parlamento prome cu e drenta na vigor. Di e forma aki parlamento ta keda tene e control riba ehecucion di e ley. Cu e mocionnan y e cambionan cu AVP a presenta, a sigura e participacion di antemano den futuro. Loke MEP a bisa cu falta, AVP a sigura pa e tey. Ta asina Parlamento tinn cu traha. No papia. Pero haci!

Expresionnan haci den e articulo aki no necesariamente ta refleha opinion di ArenaPoliti.co