Benny Nisbet (PPA): “Gobierno di AVP simpelmente no tin vision.... Ocho anja perdi!!” PPA ta ofrece cambio den esaki!!
Mientras Aruba su ultimo y futuro inversionan ta(bata) den 80 million pa mudamento di e Containerhaven di Oranjestad pa Barcadera (un vision di PPA/x ministro B Nisbet) y awor un 600 million dollar cual por bisa ta 1 billion florin pa transforma nos refineria den un ‘Upgrader’ no por menciona mucho mas inversion den locual por worde considera infrastructura grandi di nos pais pa stimula Aruba su futuro desaroyo. Mientras e vision pa muda containerhaven for di Oranjestad pa Barcadera a worde presenta pa x- minister B. Nisbet(PPA) for di 1993/94 y den prome instancia a worde rechasa pa partido politico grandi….poco poco ambos partido a purba pa kita e honor di e vision for di PPA. Pero no a logra cu tempo casi un 15/20 anja laat nan a realisa cu e vision tabata correcto y a ejecuta e vision aki PERO sabiendo for di e tempo ey cu tereno importante y impactante lo a bin liber ….bao di ambos gobernacion AVP/MEP NO a desaroya un vision pa con esaki lo mester worde usa den futuro y tampoco a desaroya un ‘masterplan’ na upgrading/mantencion di e haf di Oranjestad cual ta destina principalmente pa barconan turistico. Fuera di tende e gritonan di ‘green coridor’ y ’Ringweg 3’ no ta realmente tende di inversionan otro pa stimula un desaroyo economico di Aruba. Y segun PPA presencia di un ‘upgrader’ lo resulta inpugna cu desaroyo di nos turismo den futuro y esaki na un forma hopi hopi serio.
CORSOW SU FUTURO BASA RIBA MEGA PIER 2, ACUERDO DAMEN SHIPYARDS CU ‘DOKMAATSCHAPPIJ’ Y AWOR UN MOU PA FINANCIAMENTO DI UPGRADING DI NAN REFINERIA CU 10 BILLION DOLLAR !!!
Mega Pier 2:
Si nos compara nos mes cu e futuro inversionan strategico y grandi cu nos hermana isla di Corsow a presenta ultimo simannan Aruba realmente mester puntra su mes si nos Aruba ta riba e caminda correcto. Corsow a presenta rescientemente construccion di un MEGA PIER 2 cual ta worde jama tambe “Rif Seaport Curacao’ y ta ensera un inversion di 25 million Euro y un total di otro partinan cu ta trece e inversion total na 35 million Euro cual ta alrededor di un 75 million florin si nos a comprendele bon. Esaki ta ensera un inversion cu ta basa riba e ‘masterplan di Curacao Ports Authority’ . E inversion su meta ta pa crea espacio pa e 600.000 bishitante cu Corsow tin por crece den futuro pa 1 million bishitante…y e fascilidad aki ta ensera cu lo por acomoda riba cualkier dia un 8000 bishitante. Corsow su maneho ta duna Curacao Ports Authority espacio pa crece…planifica y ejecuta…mientras maneho di Aruba ta frena ….minimalisa y hasta mata Aruba Ports pa sirbi interes ejeno !!
Acuerdo Damens Shipyard cu Dokmaatschappij:
Corsow a kaba di firma un acuerdo pa e compania di Damens di Hulanda pa maneha Dokmaatschappij pa e sigiente 25 anja. Damens a bira e partner ‘strategico’ di Corsow den Dokmaatschappij. Nan lo tuma over e 400 trajador y e inversion cu ta bin tambe cu un ‘dok flotante’aserca cual lo aumenta capacidad di dokmaatschappij cu 30 %. Locual ta hala ainda mas atencion ta cu e acuerdo ta ensera cu Damens Shipyard lo establece un scol na Corsow riba e tereno aki !! Ta trato un acuerdo pa e periodo di 25 anja! (PPA lo duna mas info riba con Aruba su gobierno y partidonan representa den Staten a ridiculisa PPA ora PPA durante di eleccion a mustra cu Damens Shipyard tabata rondiando sitio den Caribe pa establece y tabata papiando e tempo ey cu Puerto Rico pa expande su servicionan commercial/Naviero den Caribe. .Y cu PPA tabata e UNICO partido cu un vision pa uso un parti di e haf di San Nicolas ora y si desmantela e refineria….. Aruba no a hasi un esfuerzo y a prefera di bai den direccion di un ‘upgrader’ envez di tuma e haf di San Nicolas bek y inverti den e ramo di ‘Shipbuilding & Shipservices’ manera tabata e vision di PPA !!.) Na 2012 ora Valero a anuncia sierra di Refineria Aruba a hanja su oportunidad pero a largele pasa ‘voorbij’. Nos mester anota cu esaki ta un tremendo logro pa Corsow. Mientras Aruba su gobierno AVP simpelmente NO tin vision !!
MODERNISACION DI REFINERIA NA CORSOW !!
Gobierno di Corsow a firma un acuerdo cu e compania GuagdonZhenrong Energy Co Ltd cu ta un compania specialisa den comercio y inversion den sector di energia y recursonan natural. E MOU cu a worde firma ta habri porta pa inversion di 10 biyon dollar(cual ta 10 mil million dollar versus Aruba su 1 million florin !!!!!!) pa modernisa e refineria di Corsow. Esaki ta nifica cu Corsow ta ‘upgrade y mantene’ nan refineria….como refineria. !!! Corsow no a scoge pa hasi su refineria un ‘upgrader’ pa un suma di apenas 600 million dollar !!! Aki ta trata un inversion nos ta imagina nos mes den ‘fase’ pa upgrade/mantene delaster parti di e refineria di Corsow como refineria !!! (Aruba su gobierno NO a scoge pa mantene nos refineria…….!! (Aruba a scoge pa permiti nos refineria pa worde ‘transforma’/downgrade den un Upgrader ….y cu tempo pueblo di Aruba lo realisa con un ‘eror historico’ e decision aki tabata pa futuro di Aruba !!)
Futuro economico di Aruba ?
Na Aruba gobierno di AVP a simpelmente scoge pa mantene nos turismo cu ta un logro di PPA….mientras a ‘downgrade’ nos refineria den un Upgrader !! No a bin absolutamente nada mas aserca…..nada mas. E gritonan di ‘green/green’ no ta bai juda Aruba cu absolutamente nada. Inversion den caretera manera ‘green corridor y ringweg 3’ NO ta bai crea inversion nobo impactante. Pa colmo e Ministro encarga cu tereno a anuncia cu tereno di gobierno ta cabando y pesey lo mester adapta nos ROP pa asina mishi cu tereno cu den prome instancia a worde salbaguardia pa naturaleza etc.
Na e momento aki gobierno di Aruba no tin ningun vision…..cu pueblo por considera cu for di e vision aki lo desaroya un of mas pilar economico nobo., E grito di Aruba como HUB ….ta un vision di PPA pa e ultimo 25 anja cual anjas largo e partidonan grandi AVP y MEP NO tabata kere aden. Awor derrepiente tin atencion pero nan no sa con pa atende esaki.
PPA ta kere fielmente den nos vision pa hasi Aruba un HUB. PPA ta kere den e sigiente projectonan cual lo por contribui na esaki.
- Hasi Aeropuerto ainda ‘mas’ un hub pa pasajero y carga !!
- Inverti y/of upgrade un haf cu e profundidad di 16 meter of mas pa asina Aruba por bira un player riba tereno di Container pa region esaki den cuadra di e Panama Canal su slotnan nobo cu lo trece un vapornan cual ta e ‘post panama vessels’ y ta hopi mas largo…hopi mas hancho y …hopi mas jundo cu e actual ‘panama vessels’ ta.
- Inverti den un Aruba World Trade Center, esaki combina cu un Universidad cu tin e.o facultadnan riba Idioma y IT…. preferiblemente riba un parti substancial di e tereno cu a bin liber den haf di Oranjestad.
- Inverti den hasi Aruba un hub riba tereno di Telecomunicacion..
- Inverti den duna Aruba un ‘Ship-industry y Ship services’
- Inverti den establece un canal di Television pa region……cu for di Aruba ta transmit info di diferente isla y pais den region di Caribe pa otro !!
- Naturalmente accompanja cu un pakete fiscal pa por logra e metanan aki !!
- Stimula inversion den industrianan chikito tanto pa mercado local como pa exportacion !!
- MCI (convention tourism),
- Inversion den mas golfcourse’s pa hasi Aruba un golferdestination.
- Health & Welness tourism,
- San Nicolas, Our Caribbean Town,
- Shoppingdestination
- Yacht tourism
- Business hotels ‘gelinked’ cu Aruba World Trade Center.
- Riba tereno di cruise tourism evalua Aruba como ‘port of embarcation’ tambe !
Aruba, 17 di September 2016
Lider Politico di PPA
Benny Nisbet
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...