Durante TUR eleccion desde cu Aruba a drenta nos Status Aparte di Aruba, PPA a presenta como e ‘curazon’ di nos programa economico  nos vision pa hasi Aruba un HUB den Caribe entre Caribe, Sur America y Europa y  Caribe, Sur America pa paisnan Asiatico.  Poco ta esnan cu a duna e vision aki a atencion debido.  Ta justamente den ejecucion di e vision aki PPA a presenta na mes momento:

1. Pa muda Containerhaven for di Oranjestad pa Barcadera.
2. Pa muda Free Zone di Oranjestad pa Barcadera.
3. Pa destina e haf di Oranjestad como e haf destina pa ‘cruise-tourism’ di Aruba.
4. Pa destina e  terenonan cu ta bin liber pa construccion di un Aruba World Trade Center.
5. Dentro di e  Vision aki ta ensera tambe ejecucion di e  infrastructura necesario na nos Aeropuerto pa loke ta ‘freight’.
6. Y ejecucion di tanto e caretera di Oranjestad pa San Nicolas (doble via !)
7. Y ejecucion di e caretera conoci como ‘ringsweg 3’ awe jama Watty Vos boulevard.
   
   

Awor cu gobierno Mike Eman a ejecuta e vision aki grandemente di PPA a  jega e momento  pa pueblo controla gobierno den su ejecucion di punto 4 esta e destino di tereno cu ta bin liber pa construccion di un Aruba World Trade Center.

REACHING FOR THE SKY !!

PPA a cualifica e projecto aki como ‘REACHING FOR THE SKY !’  Mester reserva un parti substancial di e tereno aki  pa e projecto di un Aruba World Trade Center.  Un projecto cu lo por larga Aruba subi varios tereno importante.

Na prome lugar  expande  ‘convention tourism’,  ‘business tourism’, International Trade etc….. un shopping center, oficinanan for di unda e ‘businessnan’ lo por funciona , Showrooms etc…..  Exito di un Aruba World Trade Center lo depende di e formula pa cual e instancia cu ejecutele conjuntamente cu gobierno scoge pele.  PPA ta di opinion cu dentro di e totalidad aki lo mester tin  p.e. un Universidad di Idioma   y un Universidad di I.T. !!   Y no lubida PPA ta visualisa e  AWTC ensera dos ‘business hotels’ di 5 streya na mesun momento !!

Pesey PPA ta keda accentua cu e  tempo a jega pa pueblo controla nos gobierno den su funcionamento especialmente dentro di su maneho di parti tereno pa ‘friends & family’.  Mester reserva tereno pa un projecto expacioso manera di un Aruba World Trade Center.  Pueblo no mag permiti pa ‘friends & family’ di e gobernacion na manda parti e tereno pa projectonan chikito cu NO tin impacto economico cu por crea un di tres pilar economico di pais Aruba.

PPA semper a demonstra  e respet y e confiansa den nos pueblo pa por aumenta nos servicio na momento adecuado dentro di nos historia. Usando nos capacidadnan ‘unico’ cu todopoderoso a duna nos pueblo di por domina varios idioma. Pa no lubida e vision aki lo crea ‘cuponan di trabao di calidad’ y lo trece studiantenan bek for di exterior pa occupa posicionan clave den futuro.

ARUBA ‘HUB’ INTERNACIONAL DEN CARIBE !!

E vision pa Aruba desaroya su mes den un hub internacional den Caribe por worde hanja den TUR programa politico di PPA desde cu Aruba a drenta nos Status Aparte.  E ta e ‘curazon’ di tur programa economico cu PPA a presenta den curso di anja. Ta pueblo a scoge pa duna otro organisacion politico e forza politico pa ejecuta nan programanan cu humildemente bisa no por a para banda di e programa economico di PPA den curso di tempo.

Awe ta sina leeuw cu e partido na mando AVP a realisa e  vision economico cu PPA su programa economico ta ensera y pa tal motibo AVP ta ejecutando e curazon economico di PPA su programa riba un variacion di tereno. PPA ta satisfecho cu esaki pasobra ejecucion di nos vision lo crea un major future pa henter nos pueblo di Aruba. PPA lo bin bek riba e parti aki !!


Aruba, 13 april 2016                                                   Lider Politico di PPA
                                                                                        BENNY NISBET

Expresionnan haci den e articulo aki no necesariamente ta refleha opinion di ArenaPoliti.co