Nos digno pueblo di Aruba no por wanta e Medidanan di Gabinete Mike Eman II mas. Rond di nos Isla tin pobresa y desempleo. E poblacion local no por haña trabao sin preción di un mercado laboral sin control. Ta varios caso recién unda cu e local ta wordo discrimina den su propio pais. E actual Gobierno a yena Aruba na e punto cu no ta sano mas pa papia di progresó laboral na Aruba. Sindicatonan ta keto anto hopi biaha e local ta wordo persigui cu ayudo di e doño di trabao local. No ta awo Aruba tin problemanan cu e fenómeno di cheap labor. Fronteranan habri sin un maneho di Integración cu esnan biba aki nan ta un problema serio pa e stabilidad SocialEconomico di nos pais. Ora cu nos idioma nacional ta wordo neglisha anto ta tuma otro idioma over esaki sigur ta algo alarmante. Aruba a yega di conoce varios epoca di immigration, pero bao di e actual Gobierno no ta promove suficiente e cultura y tradicion Arubano cu tur e consecuencianan negativo cu ta bin cu ne. Nos conoce e epoca di Indian na Aruba, djei Europeo y Africano despues cu Lago a establece na Aruba habitabtenan di e Islanan ariba habla Ingles y despues cu e sector Turistico di añanan 90 den región habla Hispaño. Pa Aruba sigui crece riba su mes mester un integracion social e instrumento pa esaki ta nos idioma Papiamento. Nos ta un pais Autonomo den Reino Hulandes nos kier domina tur cuater idioma pero sin perde nos Identidad como pueblo. A kita e Swiss Model cu MEP a introduci anto a laga nos mercado laboral habri pa tur hende por haci locual nan kier sin control di Gobierno. Parlamento di Aruba mester tuma e situacion actual na serio anto reorganisa y/of trece reforma den e actual mercado laboral. Aruba no por sigui carga mas hende cu un economia limita anto cu espacio hopi menos pa explota manera cierto paisnan grandi.

"Ora bo patria ta den wega, no tin derechonan pa ningun hende, sino solamente debernan."
Ernst von Wildenbruch

Expresionnan haci den e articulo aki no necesariamente ta refleha opinion di ArenaPoliti.co