E problema di financias publico di Aruba no ta algo di awo. Pero di initio di nos Saus Aparte na 1986. Movimiento Electoral di Pueblo a lucha pa duna Aruba su libertad y autodeterminacion cu nos pais a conoce tanto progresso. Nos a bay di un GDP di 800 Miyon na 1986 pa mas di 4 Biyon na 2006. Ta door di e Status Aparte aki varios por a bin biba na Aruba den harmonia cu esnan residencia akinan caba. Un logro historico politico di partido MEP cu a percura pa duna Aruba su libertad anto tambe duna oportunidad pa hende rond mundo bin contrubui na e lucha Arubano.
AVP semper a abusa di e financias publico di nos pais; creando debe irresponsabel anto no ta draag af nan landsbijdrage manera ley ta bisa. Ainda e digno pueblo di Aruba ta pagando pa algun aventura di e partido manipulador y antipueblo manera: SACE: pagonan di garantianan pa Plantation Bay, Beta y Ramada Hotel, Winson & Strawn, Race rack, CMB, Radar, Radisson Hotel, TRIAS, Fuentes, CSS, Bushiri hotel, Fondo di Desaroyo di San Nicolaas, APFA, AZV y Deficit financiero na 2001. Un suma total di 846.62 Miyon florin.
Na  February 2007 Gabinete Oduber IV a laga un rapport cla y raspa con pa atende cu e problematica aki pa bienestar di nos pueblo. Ex-Ministro di Financias Nilo J.J Swaen yama NCPF: National Commission on Public Finance. E tempo ey Mike Eman actual MinPres tawata den oposicion anto e sa di e tempo ey con mester a anda cu financias publico. Di 2007 caba politiconan tawata sa cu si no anda responsabel cu financias publico di Aruba e debe nacional lo yega 90% na 2015. Sr. Eman y su sed pa poder a campana cu lo kita BBO na 2009 si e gana eleccion anto pueblo a dune e oportunidad un bes mas despues cu su ruman homber a hinca Aruba den debenan astronomico cu Gabinete Oduber III mester a paga bek cu interes. Lagando menos placa den caha pa duna puebo su prosperidad mereci. Nos di MEP a baha e belasitng directo anto subi esun indirecto manera BBO cu tur hende ta paga incluyendo turista asina nos por tin suficiente placa pa nos fondonan social: AZV, SVB, AOV, AWW, Bijstand y Onderstand pa esnan di menso recurso. Mi mester buta emphasis cu no tin yiun pais den region cu seguridad social manera esun di Aruba. Kico e Gobierno actual a haci nan a dereocha tur e placa entre nan AMIGONAN politico anto castiga nos digno pueblo. Di 4 Biyon florin 1% a wordo hinca den inversion pa nos pais, mayoria di e placa a bay den aumento di personeelskosten y e famoso contractantnan y management teams. E Gobierno aki a hinca nos pais den un debe astronomico cu lo tuma segun CFT 20 ana pa yega bek unda MEP a lage na 2009. Anto ainda nan tin cuero di cara di sigui cu e proyectonan di PPP: Green Corridor cu RingWeg. Cu 4 Biyon florin nos por a traha un isla nobo den su totalidad anto bira un Dubai den Caribe. Unda e placa a bay??? Un traicion formal contra nos digno pueblo di Aruba anto nos futuro generacion.
MinPres Mike Eman ta sigui manipula cu e raportnan di IMF y CFT cu ayudo di cierto medionan comprometi anto ciero sindicalista cu ta den winterslaap. Parce cu nan a bebe un coffee special durante Dialogo Social cu nan a firma tantisimo protocol contra nos pueblo. Ta MEP su politiconan so tawata compronde e rapportnan malisimo di Banco Central, Raad van Advies, Centrale Accountans Dienst, S&P, IMF, CFT. MEP hasta a traha un rapport yama FeestVierend Ten Ondergaan na Julie 2013 cu a buta MinPres bira loco cu su marioneta den parlamento Sr. Rene "Baba" Herde. E rapport di IMF di 2013 a wordo scondi foi di MEP pero door di presion di Den Haag mester a publica e rapport aki cu su contenido desastroso, awo atrobe na 2015 IMF ta bolbe bisa cu e situacion ta yega 90% debe nacional enbes di 82% anto ainda partido AVP kier manipula cu e bienestar di nos pais y pueblo. E parlamentarionan di AVP ta laga Gobierno masacra nos pueblo cu MEDIDA tras di MEDIDA sin bin cu solucion structural pa baha e gastonan cu nan lider di partido Mike Eman y su gang di Alibaba a ocasiona.
No ta crisis mundial no ta ciere di Valero a buta nos pais den e situacion aki, pero ta MinPres Mike Eman y su partido AVP cu nan prioridadnan robes ta culpabel cu nos ta perdiendo tur locual nos a lucha pe asina duro den apenas 5 ana di Gobernacion. Den e presupuesto famoso di 2014 cu no a wordo firma pa Gobernador cu a conduci na un KB riba e Gobierno aki tawata tin caba mas di 100 Miyon florin den MEDIDA anto falta mas ainda. A kibra e calidad di bida di nos pueblo sin duna nada a cambio pa tur e placa gasta di 4.000.000.000 florin. Gabinete Eman II ta e peor Gobierno den nos historia desde 1986. Na 2009 a laga mas di 800 Miyon florin den caha di Gobierno anto nos pais tawata tin un debe di 40% cu un deficit mas abao. Door di hiba un poltica di KIEZERSBEDROG unda ta aumenta e gastonan di Gobierno door di cumpra voto y patronahe politico Aruba ta unda e ta awor anto ta pueblo a buta nan eynan dus ta pueblo tin cu baha nan bek.
Mi ta sera cu Franklin Roosevelt: "Let us never forget that government is ourselves and not an alien power over us. The ultimate rulers of our democracy are not a President and senators and congressmen and government officials, but the VOTERS of this country."

Expresionnan haci den e articulo aki no necesariamente ta refleha opinion di ArenaPoliti.co