Benny Nisbet (PPA): “Viajenan di Parlamento ….. Durante crisis financiero…. Mester worde mas cuestiona y controla!!”
Algo mas cu un anja pasa PPA a critica y cuestiona un delegacion di Staten cu a viaha pa Panama consistiendo di 11 miembro di parlamento (incluso Presidente y vice Presidente di Parlamento !)_ Ora pone e Griffier acerca e delegacion di Aruba a consisti di 12 persona esta MEP 3, Dem Real 1 y AVP 6 !! E tempo ey pa colmo e Vice Presidente Chris Dammers tambe a viaha locual e.p. no ta correcto esta ….esta cu tur dos ta den exterior. Tambe e delegacion aki a kibra otro regla/costumber di parlamento cu jamas antes tabata worde permiti esta cu mas cu mitar di miembro tabata den exterior na mes momento, locual AVP a kibra tambe y tur esaki mei mei di un crisis financiero.
DELEGACION PA REUNION NA ST. MAARTEN ??
PPA a tuma nota den un matutino cu den un articulo accompanja di algun potret di fecha dialuna 4 di januari 2016 cual articulo a cuminsa cu e palabranan: “ Un delegacion GRANDI di parlamento di Aruba a viaha pa Sint Maarten unda lo tuma luga e prome reunion interparlamentario di Reino “. Naturalmente e pregunta publico di PPA ta:
1. Cuanto miembro di parlamento a viaha pa St. Maarten (y ‘mind you’ mientras pais Aruba ta den un crisis y pueblo ta hanja medida riba medida pa paga ??
Anotacion di PPA: Nos comprende cu di MEP a viaha tres miembro esta sr. Glenbert Croes, mr Addy Thijsen, mr Xiomara Ruiz Maduro, di Dem Real mr. Andin Bikker y di AVP ……”Drs. Marisol Lopez Tromp, drs. Rene Herde, mr. Desiree Croes, sr. ir Donny Rasmijn y sra Jansen Varlack y sr. Snake cual ta 6 miembro….nos no ta consciente cu lo tin mas miembro di AVP a viaha tambe entodo caso esaki ta hasi e delegacion minimal 10 miembro plus griffier cual ta hasi e delegacion un total di DIEZ-UN (11) miembro …berdad un delegacion super grandi !! Y kizas mas ainda !!
2. Cuanto e gasto di e reunion aki lo costa e pueblo pagador di belasting….?
3. Algun siman atras den comienso di December 2015 un reunion di Parlatino a tuma lugar na Panama…e unico miembro cu nos a mira riba un potret cu a bai tabata sr. Glenbert Croes (MEP) E delegacion aki a viaha den silencio y a bolbe den silencio !! Pregunta publico di PPA ta’’’Cuanto miembro di Parlamento a viaha pa Panama y cuanto e delegacion aki a costa nos pueblo pagador di belasting ? Corda bon ‘mei mei’ di un crisis financiero !!
ANOTACION DI PPA:
PPA kier accentua cu parlamento/staten mester por ejerce su trabao den representacion di nos pueblo. Bao di esaki tambe ta cay viaje pa Conferencia y PPA e.p. ta sostene esaki….pero cu delegacionan limita …pa limita gasto !!
Pero mirando e crisis financiero bao di cual nos pueblo tin di biba (medidanan pisa !) nos parlamento mester ta e prome pa mustra y duna ejempel cu mester gasta menos ! Segun PPA un delegacion di Parlamento actual mester consisti di MEP 2 miembro, Dem Real 1 y AVP 3 miembro un total di 6 miembro (incluso) Presidente di Parlamento cu griffie esaki lo 7 miembro y NO 10 of 11 !! Na nos humilde opinion prensa tambe mester cuestiona e constelaccion di delegacionan cu parlamento ta manda exterior.
PPA ta di opinion cu un delegacion di 10/11 persona ‘mei mei’ di un crisis financiero no ta refleha un parlamento serio cu ta tene cuenta cu pueblo ta sufriendo bao di e ‘medidanan pisa’ cu gobierno ta imponiendo riba pueblo di Aruba. Foei Foei !!!
PPA ta di opinion cu kada fraccion cu participa den gastamento di fondo publico pa loco asina …NO ta prepara pa …….’ruim op de boel’ den futuro den un forma responsabel. Participacion di partidonan di oposicion esta MEP y Dem Real mester ta bao condicion cu ta trata ‘delegacionan responsabel’ cual 8,9,10 of mas miembro ta simpelmente inacceptable. Seis plus griffier bao di e circumstancia di awe ta parce PPA responsabel y defendible !! PERO no 11 persona….simpelmente ta duna un refleho di falta di seriedad pa cu nos pueblo !!
Aruba, 4 di januari 2016
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...