Benny Nisbet (PPA): “PPA ta di opinion cu mester pone un stop na Aru-parking y cambia nan tarea pa uno positivo!!”
Awor cu Ministro Otmar Oduber mes a saca su conclusion y a retira como ministro a jega un momento clave pa Conseho di Ministro pa dicidi si ta larga Aru-parking continua cu su tarea si of no.
PPA a jega di declara claramente cu nos ta di opinion cu Aruparking ta un di e motibo cardinal pa e crisis den centro di comercio di Oranjestad cual a causa cu un gran cantidad di nos ciudadania no ta bai Oranjestad mas pa hasi compras pasobra simpelmente e pueblo ta sinti cu e hecho cu tur infra-structura a worde traha cu belasting di nos pueblo y esaki anjas largo cu e cobramento pa parkeer a worde experiencia como un abuso di otro mundo y e ponemento di ‘klem’ pa motibo di dos florin riba un propiedad (auto) di bastante mil florin di cada persona como un abuso di otro mundo. Un abuso di poder …un abuso di uso di nos leynan y cu esaki simpelmente no mag sigui. Un sistema pa ‘friends & family’ gana placa riba lomba di pueblo.
PPA tabata e unico instancia politico cu durante locual por ser considera como un discussion nacional a propone pa cambia e tarea di e structura di e compania cu ta worde jama Aru-parking den un ‘Aru-Information guide & service’ na unda e trahado lo ta encarga pa duna informacion na turista y nos pueblo y juda nan na un sitio pa parkeer nan auto y hasta tira un bista riba e auto pa nada no pasa cu nan y esaki lo pone un punto final na e epoca di abusa cu ‘klem’.
Gobierno lo por duna ordo pa destrui tur klem di Aru-parking punto !
Awor cu e padrino di e abuso aki esta sr Otmar Oduber a bandona gobernacion, gabinete Mike Eman tin e oportunidad pa e siman aki mes …pone un paro absoluto na e tarea di Aru-parking !! Cambia nan tarea dentro di e siman aki pa un instancia cu un tarea positivo…..juda duna guia, juda duna informacion y asistencia, hasta tira un bista riba autonan en general cu ningun hende ta abusa of horta for di e autonan aki na nos turista y pueblo. Un tarea noble….Un tarea positivo. Un tarea cu pueblo lo sinti su mes liber pa bishita Oranjestad nos capital atrobe …..un aere nobo lo por inicia ….palabra ta na gabinete Mike Eman !
PPA kier agrega cu tin algun motibo mas cu ta afecta ‘Oranjestad nos capital’ pero esaki ta lo ta un otro discussion.
PPA ta keda pendiente ….con gabinete Mike Eman lo continua cu a asunto aki y lo sigui duna nos opinion al respecto.
Aruba, 5 di November 2016
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co