Segun Lorna Varlack, turistanan mes tin culpa cu nan ta wordo atraca! 

Parlamento di Aruba a debati riba e tema di criminalidad, y un di e parlamentarionan di AVP cu tambe a hiba palabra ta Lorna Varlack. 

Lorna Varlack a elabora riba e hecho cu turistanan ta victima di ladronicia. Lorna Varlack ta culpa e turistanan mes, pasobra nan ta "let their guard down". Lorna ta di opinion cu autoridadnan mester alerta turistanan asina cu nan yega cu Aruba no ta safe mas, cu criminalidad ta un problema serio, y pa nan ta hopi alerta. 

Tin biaha bo ta puntra bo mes, ta kiko ta pasa den cabes di e hendenan aki pa hasi expresionnan asina. Anto na final Lorna a pidi minister Dowers pa sigi su sugerencia.

Si berdad gobierno di AVP bin cu e borchi aki, ta core nan ta core cu turistnana, asina afectando nos economia mucho mas. September yega pa caba, pa nos haya un gobierno drechi cu por combati criminalidad cu man duro.

Expresionnan haci den e articulo aki no necesariamente ta refleha opinion di ArenaPoliti.co