Un simple acuerdo entre MEP y AVP lo pone cu ambos partido lo por ricibi permiso pa tene nan parade……!! 

Pueblo di Aruba mester puntra su mes ta di con 31 anja largo Aruba tabatatin solamente AVP y MEP como signatura di un gobernacion ? Di con Aruba NO tin mas partido politico ? Aparentemente aki na Aruba ta worde crea e opinion cu esnan naci pa ser Lider ta sea descendiente di famia Eman, famia Croes y nos tin tambe famia Oduber….esaki cu tur respet pa nan.

Un di e contestanan riba e pregunta haci ta e hecho cu den e ultimo simanan di campanja partido AVP y MEP ta custumbra di crea ‘issue’ riba varios topico entre nan dos, creando impression den pueblo cu ta dos partido so tin na Aruba.

Peticion pa Parada:

E peticion di MEP lo ta hasi na januari 2017 y segun MEP esaki lo duna nan derecho riba e vergunning locual den concepto di PPA NO ta un base legal pa MEP hanja un vergunning. MEP mescos cu TUR partido tin derecho di hanja nan vergunning contal lo por tin un acuerdo politico cu ta evita caos/disaster riba e caretera publico. Di otro banda e decision di Prome Ministro como Ministro di Algemene Zaken pa instrui Cuerpo di Polis cu ta AVP so por ricibi un permiso tambe ta contra un proceso obhetivo y argumentacion menciona den nos staatsregeling di Aruba. E proceso aki ta trapa derecho di MEP pa tene parada y esey NO ta acceptabel y aki ta unda e porta pa MEP bai Corte realmente a habri..!! E decision di Min Presidente Mike Eman NO a tene cuenta cu e tres base/gronden menciona den articulo 1.13 di nos Staatsregeling y como tal ta pone e decision di Min Pres Eman riba e mesa di Corte pa worde ‘getoetst’ na nos staatsregeling…!!

Esnan cu a crea nos constitucion Arubano a indica claramente con lo mester interpreta cierto derecho cu nos pueblo tin. Aruba su pioneronan cu a crea nos constitucion ( di cual mi tin e honor di ta un di nan !) contrario na Antiyas Neerlandes e tempo ey a dicidi di split locual nos a conoce como e ‘derecho di e vereniging’ cu tabata regla den Ley Antiyano. Aruba su pioneronan a dicidi di regla e derecho pa manifesta den nos Staatsregeling Arubano….esaki pasobra e pioneronan a huzga cu esey ta e unico instrument democratico cu pueblo tin y lo por uza den momentonan di frustracion y deseo pa ilustra esaki. Esaki pues a keda regla den articulo 1.13 di nos Constitucion/Staatsregeling di pais Aruba.

PPA ta cita un parti di e ‘memorie van toelichting’:
De reden van de plaatsing van het recht tot vergadering en betoging in een afzonderlijk artikel – dus los van het recht tot verening is reeds bij artikel 1.11 toegelicht. Zoals daarbij werd vermeld, bestaat tussen het begrip vereninging enerzijds en de begrippen vergadering en betoging anderzijds een groot verschil. Het recht tot betoging komt in de Staatsregeling van de Nederlandse ANtillen NIET voor. De beslissing tot opneming van dit recht in het hoofdstuk grondrechten van deze Staatsregeling is voortgekomen uit de overweging, dat de betoging voor velen –met name voor hen die niet zo gemakkelijk van andere uitingsmedia gebruik kunnen maken – een grote betekenis heeft verworven als middel om, het liefst met zoveel mogelijk mensen, in het openbaar uiting te geven aan gevoelens of wensen op maatschappelijk en politiek gebied. Daarbij dient nog te worden bedacht, dat voor hen die geen gebruik kunnen maken van de drukpers of andere communicatiemedia de betoging veelal de enige mogelijkheid vormt om deze gevoelens of wensen te uiten.

Cu otro palabra e derecho pa tene un manifestacion sea cu ta uno na pia of para un dilanti Conseho di Ministro of Parlamento sea cu ta un parada di auto ta un derecho basa riba nos constitucion ta un derecho ancra den nos constitucion y No por worde nenga sin mas !! PPA ta sigui sita for di nos ‘Memorie van Toelichting di nos constitucion’.

Het onderhavige artikel verbiedt de wetgever overigens NIET het houden van vergaderingen of betogingen aan een voorafgaande toestemming te binden. Het weigeren van de toestemming moet dan evenwel gerelateerd zijn aan een van de in het tweede lid genoemde gronden. Zo behoort de vergader en betoogvrijheid vanzelfsprekend geen beletsel te vormen om bijeenkomsten te verbieden, wanneer zulks ter bestrijding van een epidemie vereist is. Het artikel laat echter niet toe, dat een vergadering of betoging wordt tegengegaan, omdat de bijeenkomst naar zijn inhoud of doelstelling ongewenst wordt geacht.

PPA ta di opinion cu e derecho di TUR partido politico pa regla debidamente den nos constitucion y NO por worde nenga pa Cuerpo di Polis den nomber di Ministro di Algemene Zaken encarga cu ‘openbare orde’ sin mas……e lo mester ta basa riba e argumento menciona den nos constitucion.

Cu otro palabra si partido AVP y MEP por a sinta manera hende grandi y responsabel y jega na un acuerdo ki ora kada partido lo tene su parada y un acuerdo riba e ruta…. P.e. un partido politico for di 10 or di mainta pa 2 or di merdia cu e ruta stipula….y e otro partido for di 2 or di merdia cu e ruta stipula te 6 or di atardi…. ! Cu un acuerdo asina lo ta hopi dificil pa Cuerpo di Polis/Min di Algemene Zaken nenga ambos/ cualkier partido pa tene nan parada. Y si mas partido tabata desea permiso tambe y nan parade lo NO ta di e grandura cu e grandinan hasta un par di nan lo por a bin na remarca pa ricibi nan vergunning.

PPA ta mira e discussion entre AVP y MEP un discussion basa riba tradiccion di e dos partidonan aki con pa hiba un politica e ultimo luna di campanja pa crea impression cerca e pueblo cu ta nan dos so ta existi ….nan dos so por goberna….y pueblo lo mester huzga for di nan dos. Pa e motibo un problema rond di tene parada of no ta keda crea problema kada cuatro anja cu tin eleccion.

Mescos cu PPA por referi na nos constitucion ambos partido MEP y AVP tambe por ….busca un soluccion entre nan NO ta combini nan pasobra e ora ey nan te menos den ‘picture’ di pueblo dentro di e esfuerzo pa gara e poder di gobernacion aki na Aruba.

Pesey PPA su programa ta hiba e ‘titulo’ di Aruba………pa e PROXIMO NIVEL y PPA ta priminti nos pueblo cu si nos hanja un mandato di pueblo pa representa pueblo den parlamento y/of gobierno cu PPA lo boga pa organisa programa informativo pa informa pueblo mas hopi posibel con nos constitucion ta hinca den otro. Por lo pronto nos mensahe na pueblo ta …..vota pa cambio berdadero….vota pa e lista combina di PPA/UPP….vota pa hiba ARUBA …….PA E PROXIMO NIVEL Y PA UN MIHO MAJAN.

Aruba, 14 september 2017
Secretario General di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co