ATENCION DOCENTENAN. 

Abo sa kico e cambionan ta ensera? 

STA CRUZ - Lider di MEP Evelyn Wever-Croes a pidi atencion di docentenan y schoolbestuur. Parlamento ta tratando e ley "functiehuis onderwijspersoneel" cu ta trese cambionan grandi den e structura di salario di docentenan na Aruba.

"Nos a cuminsa trata e ley aki den nos “think tank” y nos a realisa cu hopi docente no sa nada di e ley aki. Mirando su embargadura, mi ta haci un invitacion na docentenan, schoolbesturen y sindicato di maestro pa duna feedback na Parlamento.
Nos fraccion kier sa si e ley aki ta brinda e base pa un miho calidad di enseñansa y pa mas sosten pa docentenan.
Sin e “input” di docentenan nos no por pasa e ley aki.

Nos ta spera cu especialmente e sindicato di maestronan SIMAR informa Parlamento kico nan posicion ta den esaki", lider di MEP a finalisa bisando.

Expresionnan haci den e articulo aki no necesariamente ta refleha opinion di ArenaPoliti.co