EDJEAN SEMELEER DEBUTANDO COMO POLITICO RIBA LISTA DI POR   

“Mi lo no postpone mas”, asina e hoben adulto Edjean Semeleer a laga sa ora cu a wordo puntra con bin e a subi lista politico e biaha aki. Ta asina cu Edjean Semeleer a wordo pidi door di varios partido durante periodonan anterior pa subi lista politico, pero semper su respuesta tabata “Ainda no”, awel esaki segun Edjean ta e aña. Ariba e pregunta con bin partido POR, e a contesta cu serca POR e a sinti su mes mas na cas mirando e profesionalismo, e plan di salida y tambe pa kiko e partido ta para pe.

Pa Edjean, e debate di Millennials a dune aun mas motibo mirando reaccionnan cu e tabata haya for di no solamente Millennials pero tambe for di personanan di mas edad respect politica na Aruba.

Mirando cu Edjean no ta desconosi den nos comunidad, no a straña nos cu e lo ta bogando pa eleva nos cultura, herencia cultural y tambe e parti di cultural entrepreneurship unda cu segun Edjean cu e si ta di pensamento cu su ideologianan cu Cultura y Arte por trese mas ingreso den caha di gobierno si acaso wordo planea, ehecuta y maneha correctamente.

Segun Edjean, ta hopi por wordo hasi pero ta nos mesun hendenan ta esnan cu lo tin cu contribui tambe ora cu ta toka nan nan parti, esta ora di paga nan debernan pa asina Gobierno por sigui hasi e inversionnan necesario.

Nos ta sigur cu nos lo por conta cu un persona manera Edjean, mirando no solamente e parti artistico, pero tambe e parti cu e como persona a experencia siendo commerciante, esta entrepreneur. “Mi a sa di experencia diferente faceta den mi bida unda cu mi tambe a experencia triunfo, bon experiencia, experiencianan menos mucho bon  y tambe caida, pero asina mes tur dia ta lanta y ta pensa con mas e por hasi pa hiba su isla dilanti”.

Nos ta desea Edjean Semeleer tur clase di exito den e hazaña nobo den su bida y ta spera cu e lo por haya su debido apoyo di no solamente di su fanaticonan pero tambe di Aruba henter.

Expresionnan haci den e articulo aki no necesariamente ta refleha opinion di ArenaPoliti.co