Nos Ta Aruba Pa Un Mihor Aruba: Lesa e ultimo noticia tocante nos Ministerio Publico na Aruba. Lesa con officier van justitie Bart Schmitz ta intimida Jan de Ruijter !! Jan de Ruijter condena na 24 luna!!
Cos di hari!!.....HAHAHAHAHAHA……!
Mi ta wordo condena na 24 luna.....HAHAHAHAHAHA…..ki bunita chiste di Bart Schmitz... .; e chiste ey mi ta bay plamé riba mundo henter, tambe cerca Nacionnan Uni, presidente Obama, premier Rutte, Ghandi, Martin Luther King, famia Kennedy, presidente Mandela, George Clooney, Mike Tyson, Michael Williams, Arthur Dowers, Gene Hackman, Cruz Cora, Cruz Blanco, Cruz Blanco cu Geel, e Cruz Berde (masha grandi mes), Charlie Chaplin, Papa di Roma, Vladimir Poetin; y mi ta bay keha tambe cerca China (Chinese Volksrepubliek) y cerca Kim Jong-un di Nort Corea, riba e violacion intolerabel y inaceptabel di mi derechonan humano na Aruba, pasobra ayanan ainda nan ta mas santo compara cu aki na Aruba!
E intimidacion ridiculisimo.
Claro cu mi ta hari barica yen te yora, pa motibo di e carta sigura cu dialuna mi a bay busca na postkantoor, y cu a resulta di a bini di e officier van Justitie riba Aruba, esta Bart Schmitz, oh, dispensa...MR...Bart J. Schmitz, kende den un carta fechá 9 di juli (si, si! Bo a lesa bon: e postkantoor berde di “Groene” Mieke Eman si sa ta con: un carta di dia 9 di juli - registrá – mi ta ricibi dia 3 di augustus!) ta scirbimi cu e ta condenami condicionalmente (“voorwaardelijk”) pa motibo di difamacion di minister PAULA CROES, y cu e (Schmitz) lo persigui AMI penalmente (“strafrechtelijk”) si den e siguiente periodo di 24 luna ami NO comportami nechi (“netjes”), y mi haci mi mes culpabel un biaha mas di e acto castigabel di difamacion, pasobra Doble P, Permiso Paultje, minister PAULA CROES no a haci ABSOLUTAMENTE NADA ROBEZ CU UN PERMISO DI TRABAO PA E PIDA CRIATURA DUSHI DI 20 AÑA DI VENEZUELA, KENDE DEN UN SOLO DIA MESTER A HAYA UN PERMISO DI TRABAO, PA E POR A TRAHA DEN BAR (COMO “BARJUFROUW”) DEN UN BAR CONOCI NA PONTON.
Y PASOBRA ADEMAS PERMISO PAULTJE NO A HACI NADA ROBEZ CU UN PERMISO DI TRABAO RIBA NOMBER DI JAMBOLAYA RESTAURANT NA STA. CRUZ, CU YA CABA TABATA SERA PA UN AÑA CABA!!
eric
NO, TENDE’KI: PAULA CROES TA UN ANGELITO INOCENTE; Y NO TA DOBLE P, PERMISO PAULTJE, TA ESUN CU MESTER SER PERSIGUI, PERO JAN DE RUIJTER, Y ESAKI MESTER BAY SERÁ DEN KIA PA MOTIBO DI DIFAMACION Y INSULTO!
Pueblo di Aruba, esaki ta e ministerio publico di Aruba di aña 2015; esey ta nos husticia, esey ta nos trias politica, esey ta derecho!
Esaki ta e mundo pa robez riba Aruba!
Ministernan ROBEZ ta sali cana liber, y esun cu ta entrega un denuncia hustifica contra nan, ta wordo menasa cu persecusion penal!
Pa cuanto tempo nos ta bay sigui acepta esaki!!
Mi mensahe na Bart Schultz y Eric Olthof
Mi NO ta bay acepta boso intimidacion, NO, esey HAMAS Y NUNCA den mi bida!
Lo mi bay defende mi mes contra boso intimidacion, y lo mi busca conseho huridico den esaki.
En todo caso lo bay den beroep contra boso na e orte Comun di Husticias na Corsow.
Y mi otro mensahe na Eric Olthof: poco tempo ey den bo oficina bo a pidimi pa mi corda bay un poco nechi unda ta trata eventual diferencianan di opinion entre nos.
Wel, Eric, bo por wel di lubida esey; schrijf dat maar op je buik!
E actitud di Ministerio Publico y e proteccion cu boso ta duna na e set di ministernan aki, ta simplemente un burla total.
Mi ta reprocha boso, y mi ta tira den boso cara, cu boso ta neglisha totalmente boso debernan pa cu e Pueblo di Aruba, y cu boso ta brogosa nos trias politica.
Awor ta falta solamente pa boso no laga officier van justitie sra. Pronk firma boso cartanan.
Mi ta conclui cu boso carta ta boso manera di trata na intimida mi persona (den cua di mes boso lo NO logra!), y e ta dunanos, como ciudadano, awor e siguranza cu for di boso y for di Ministerio Publico, nos no por spera absolutamente ningun garantia di derecho (“rechtszekerheid”) mas; den mi opinion boso ta practicando hopi visibel un husticia di clase (“klassejustitie”), y esey ta simplemente inaceptabel.
Lo boso tende mas di mi.
PERO TAMBE MINISTER HOOIJBOER, E COMERCIANTE (“WINKELAARSTER”) DEN PRIMANAN DI ASEGURO, NO A HACI NADA ROBEZ SEGUN BART, Y P’ESEY E TAMPOCO LO NO WORDO PERSIGUI PENALMENTE.
Pues e asunto aki tambe lo bay pa Corte Comun di husticia na Corsow!
Y awor e colmo de los colmos, e bom, pa Bart y Eric.
Oficialnan di ministerio publico, subi un rato e website di Camara di Comercio.
Ey boso lo por lesa lo siguiente bao number 43853.0; cu esey mi kier meen den caso cu algun dia boso ta bay investiga algo, pasobra mientras tanto mi a comprende cu boso lo bay lesa, y haci boso trabao, SOLAMENTE ora un ciudadano yega cerca boso cu 100% na pruebanan.
Ata aki e ultimo noticia tocante e Green Corridor, algo cu obviamente Bart y Eric lo NO bay investiga TAMPOCO!
Pa e proyecto aki Pais Aruba lo mester bay paga durante 30 anja largo e suma di 25miyon (25.000.000,00) florin pa anja, un suma total pues di 750miyon florin (750.000.000,00)!!
E proyecto a ser otorga na un “Caribbean Infrastructural Company (CIC)” cu un capital (“maatschappelijk vermogen”) di unicamente 50mil (50.000) florin, di cua solamente 10mil (10.000) a wordo coloca y deposita (“geplaatst en gestort”); den otro palabra absolutamente NADA!!
Pero CIC mag di traha, financia, mantene e Green Corridor, y haci tur e trabao di infrastructura di acuerdo cu locual a ser stipula den e indicacion/bestek di dia 14 di september 2012; sinembargo CIC a wordo estableci nomas dia 21 di november 2013, pues henter un anja despues: ra-ra-ra, con esey ta posibel!? Pasobra CIC no tabata existi mes, pero SÍ ta gana un destaho publico, e ora ey den pura ta bay lanta un compania SIN NINGUN CAPITAL DEPOSITÁ, pa bay haci un trabao cu un balor di 750miyon (750.000.000,00) florin!!
PERO KIKO BO TA KERE? ERIC Y BART TA HAYA TUR ESEY MASHA NORMAL MES!!
Eric y Bart no ta weita ningun motibo pa investiga esey....pasobra nan ministernan tin man liber di ministerio publico pa actua. Y si un columnista, manera e homber fastioso, molestoso, ferfelo y dificil aki, cu yama Jan de Ruijter, mester habri su boca un biaha mas, e ora ey nos lo bay persigui SU persona penalmente, y NO e ministernan.
WEL, BART Y ERIC, BOSO NO CONOCE JAN DE RUIJTER AINDA. PREPARA BOSO PEYEHO....MAAK JE BORSTEN MAAR ALVAST MAAR NAT.....PASOBRA TA AWOR AKI E GUERRA TA BAY CUMINZA!!
Jan de Ruijter
This email address is being protected from spambots. You need JavaScript enabled to view it.
Oranjestad, 3 augustus, 2015
Expresionnan haci den e articulo aki no necesariamente ta refleha opinion di ArenaPoliti.co